Ýkraına men Qazaqstan kómir tranzıtinde Reseıdi aınalyp ótetin jol tapty

Qazaqstan endi Ýkraınaǵa kómirdi Reseıdi aınalyp ótetin jol arqyly tasymaldaıtyn bolady. Bul týraly energetıka salasyndaǵy ýkraınalyq iri "Sentrenergo" kompanııasy málim etti, dep jazady Dıalog.UA ýkraınalyq ınternet basylymy.

Basylym qarashanyń orta sheginen bastap resmı Máskeý Ýkraına men Eýropadaǵy energetıkalyq jaǵdaıdy, sondaı-aq Qazaqstan "Sentrenergonyń" negizgi jetkizýshisi ekenin bile tura óz terrıtorııasy arqyly ótetin qazaq kómiri tranzıtin toqtatqan.

"Kreml "oıny" otyn jetkizý kestesiniń buzylýyna ákelip soǵyp, keleshekte jaǵymsyz saldar bolý qaýpin týdyrdy. Máskeý resmı túrde temirjolda másele týyndap jatqanyn túsindirse, beıresmı túrde gıbrıdtik agressııanyń jańa kezeńi bastalǵany, manıpýlıasııa sozyla túsetini túsinikti edi. Kıev pen seriktesterine shuǵyl jańa jol izdeýge týra keldi" delingen basylym aqparatynda.

Ýkraına premer-mınıstri Denıs Shmygal Qazaqstannan satyp alynǵan kómir endi teńiz arqyly jetkiziletinin málim etti. Onyń sózinshe, qatty otyn endigide Taman porty arqyly tasymaldanady. Alaıda ol kómir Qazaqstannan Reseıdiń Krasnodar ólkesindegi Taman portyna deıin qalaı jetkiziletini týraly aıtpady.