• USD 468.56

  • EUR 497.56

  • RUB 7.3

  • CNY 67.18

29 Naýryz, 08:50:30
Almaty
+35°

QR Táýelsizdiginiń 30 jyldyǵyna oraı, Shymkent qalalyq ishki saıasat bólimi jáne Abaı aýdany ákimi apparatynyń uıymdastyrýymen, aǵymdaǵy jyldyń mamyr-maýsym aılarynda ótken "Mereıli otbasy-2021" ulttyq baıqaýynda júldeli orynǵa ıe bolǵan Úsenovter otbasynyń shańyraǵynda áńgime-suhbat ótti.

Ic-shara maqsaty - otbasy ınstıtýtyn, adamgershilikti, rýhanılyqty nyǵaıtý, ata-analardyń bala tárbıeleýdegi jaýapkershiligin arttyrý, otbasylyq qundylyqtardy, kámeletke tolǵan balalarynyń eńbekke qabiletsiz jáne egde jastaǵy ata-analaryna qamqor bolýyn dáripteý, otbasynyń jaǵymdy ımıdjin nasıhattaý jáne jyl sońyna taıap kelýine sáıkes, jyldy qorytyndylaý.

Qonaqta bolǵan "Otyrar" telearnasynyń júrgizýshileri suhbattasý kezinde, qala ortalyǵynda turatyn januıanyń ereksheligine tánti boldy. Ana men kelin aýlada ornatylǵan jer tandyrǵa nan jaýyp, samaýyrynǵa shaı qaınatqany týraly erekshe áser qaldyrǵanyn jetkizdi. Áńgime-suhbatta úlken úıdiń anasy: ene de, kelin de birin-biri syılap, shańyraqtyń shaıqalmaýyn oılasa, enesi kelinine bilmegenin úıretip, balalyǵyn keshirip, qyzyndaı kórse, óziniń kóregendigin kórsetedi,- dedi.

Sóz sońynda ulttyq dástúrimizden, sana-sezimimizden, ultymyzdan aýytqymaı, ósip kele jatqan urpaǵymyzdyń boıyna ulttyq tárbıe uryǵyn sebýmiz - basty mindet ekeni aıtylyp, mán-mańyzy erekshe bolǵan jıynnan erekshe ásermen tarqasty.

Shymkent qalasynyń Aqparattyq-kommýnıkasııalyq ortalyǵy

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir