• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 04:38:40
Almaty

12 qarasha kúni Ystambulda ótken túrki keńesiniń sammıtinen keıin Túrkııadaǵy Ultshyl qozǵalys partııasynyń kóshbasshysy Týran Bahchelıniń prezıdent Rejep Erdoǵanǵa syılaǵan túrki áleminiń kartasy Reseı baspasózinde qyzý talqylanyp jatyr. Bul týraly Gercekgundem aqparat agenttigi habarlady.

RIA Novostı habarlaǵandaı, Týran Bahchelı Erdoǵanǵa syıǵa tartqan kartada Reseıdiń ońtústigi men Shyǵys Sibir óńirleri Túrki álemine qosylǵany atap ótilgen. Sondaı-aq kartada Balqan, Ázerbaıjan, Qazaqstan, Qyrǵyzstan, О́zbekstan, Qytaıdyń Shyńjań-Uıǵyr avtonomııalyq okrýgi, sondaı-aq Mońǵolııa men Irannyń keıbir aýdandary da bar.

Karta 12 qarasha kúni Ystambulda ótken Túrki tildes elder yntymaqtastyǵy keńesi otyrysynyń qorytyndysy boıynsha Erdoǵanǵa syıǵa tartyldy.

Otyrysta keńes ataýy "Túrki memleketteri uıymy" dep ózgertilip 2040 jylǵa deıingi kezeńge arnalǵan "Túrki áleminiń bolashaǵy – 2040" qujatyn qabyldaý týraly sheshimge qol qoıyldy.

Túrki keńesine Ázerbaıjan, Qazaqstan, Qyrǵyzstan, Túrkııa jáne О́zbekstan, al baqylaýshy retinde Túrikmenstan men Vengrııa qatysqan.

"Qamshy" silteıdi
Ilmek sózder: Túrki keńesi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir