Qasym Amanjol: Toqaev kelgeli halyq kedeılenip ketti

Belgili jýrnalıst Qasym Amanjol  «Qasqa Jol» ıýtýb kanalyna bergen suhbat barysynda prezıdent Qasym-Jomart Toqaevtyń bıligine baǵa berdi.

– Eki jarym jylda Qazaqstandaǵy áleýmettik jaǵdaı óte quldyrap ketti. Endi ras, aınalasyndaǵy pıarshıkter túrli zańdarǵa ózgeris engizdi. Olar demokrtıkalyq baǵytta jyljydyq degen sııaqty máseleler aıtýy múmkin. Aýyl ákimderin saıladyq, mıtıngilerdi ótkizýge ruqsat emes, jáı ǵana eskertý berse jetkilikti degen sııaqty nárseler aıtyp jatyr. Onyń barlyǵy syrtqy kórinis ǵana ekendigin kórip otyrmyz. Biraq, áleýmettik jaǵdaı qatty nasharlap ketti ǵoı. Halyqtyń áleýmettik jaǵdaıy, kedeıshilik jaǵdaıy óte qıyn. Qazir halyq shynymen qatty kedeılenip ketti. Adamdardyń qazir aılyǵy, shaılyǵyna jetpeı otyr. Tipti qazir isher as, kıer kıimge jarymaı otyrǵan adamdar óte kóp. Halyqtyń jaǵdaıy óte qatty qıyndady. Onyń kórinisi biz únemi úzdiksiz kórsetip kele jatqan kópbalaly áıelderdiń narazylyqtary. Olardyń narazylyqtary áli basylmaı kele jatyr. Kópbalaly áıelder qudaıdyń qutty kúni zar ılep, Aqordanyń aldyna qaraı umytylady, – deıdi jýrnalıst.