20 Qarasha, 2021 NEWS
Foto: fishki.net
О́tken táýlikte PTR test arqyly 1047 adamnan koronavırýs, 132 adamnan pnevmonııa anyqtalǵan. Bul týraly densaýlyq saqtaý mınıstrligi habarlady.
18 qarashadaǵy derek boıynsha 20 adam koronavırýstan, 4 adam pnevmonııadan kóz jumǵan.
Elde PTR synamasy oń nátıje kórsetken jaǵdaılardyń resmı sany 962 781-ge jetti. Onyń ishinde 12 537 adam indetten kóz jumǵan. 2020 jylǵy 1 tamyzdan beri 81 854 adam pnevmonııaǵa shaldyqqan. Onyń 5112-y qaıtys bolǵan.
Indetke shaldyqqandar arasynda 488 adamnyń jaǵdaıy aýyr, 133 pasıenttiń jaǵdaıy óte aýyr, 94 naýqas О́JJ apparatynda jatyr.
Qazaqstan óńirlerindegi epıdemıologııalyq ahýaldy baǵalaý matrısasyna saı, 2021 jylǵy 20 qarashadaǵy jaǵdaı boıynsha Pavlodar, Soltústik Qazaqstan oblystary "Qyzyl" aımaqta. Nur-Sultan qalasy, Aqmola, Qaraǵandy, Qostanaı oblystary – "Sary" aımaqta. Almaty, Atyraý, Shymkent qalalary, Aqtóbe, Almaty, Batys Qazaqstan, Túrkistan, Jambyl, Qyzylorda, Mańǵystaý, Shyǵys Qazaqstan oblystary "Jasyl" aımaqta.
20 qarashadaǵy málimet boıynsha elde koronavırýsqa qarsy vaksınanyń I komponentin 8 620 968 adam, II komponentin 7 929 289 adam saldyrǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir