Qazaqstannyń bir óńirinde lokdaýn engizilýi múmkin

Soltústik Qazaqstan oblysynda epıdahýal kúrdeli. Kún saıyn orta eseppen 150-ge jýyq adam qaýipti indetti juqtyryp jatyr. Mamandardyń sózinshe jaǵdaı budan ári ýshyqsa, lokdaýn engizilýi múmkin, dep habarlady Astana telearnasy. 

Qyzyljar óńiri bir jarym aıdan beri qyzyl aımaqta tur. О́tken táýliktiń ishinde aımaqta 143 adam qaýipti vırýs juqtyrǵan. Qazir  emdeý bólimsheleri 40 paıyz tolyq. Kúnine 4-5 adam koronovırýstan kóz jumady deıdi dárigerler.    

– Jasandy jeldetý qurylǵylary men dári dármek jetkilikti. Byltyrǵydaı problema joq. Qazir vırýs ózgergen, belsendiligin arttyryp otyr. Sondyqtan kóp jaǵdaıda úlken kisiler  dertke qarsy kele almaı jatyr. Koronovırýstan qaıtys bolǵandardyń  basym bóliginde  qosymsha aýrýlar bolǵan, – dedi  Petropavl qalalyq kópsalaly aýrýhanasynyń bas dárigeri Janna Maýtova. 

О́ńirde toı men merekelik jıyndardy  ótkizýge tyıym salynǵan. Oıyn-saýyq ortalyqtaryna demalys kúnderi tek jasyl statýsy bar adamdar ǵana kire alady. 

– Dál qazirgi kezde koronavırýs ınfeksııasy anyq sharyqtaý sheginde tur. Eshqandaı tómendeý de, qatty ósý de baıqalyp turǵan joq. Bir deńgeıde toqtap tur. Eger bul jaǵdaı ári qaraı órshıtin bolsa, taǵy qataldatylǵan sharalar engizilýi múmkin. Mysaly lokdaýn engizilýi múmkin, – dedi SQO sanıtarlyq-epıdemıologııalyq baqylaý departamentiniń bólim basshysy Merýert Atambaeva. 

Aıta óteıik, aımaqta turǵyndardy vaksınasııalaý sharasy óte  baıaý júrýde. Ekpeniń qos komponentin 240 myń adam, óńir halqynyń shamamen 65 paıyzy saldyrǵan.