Baıbek: Nur Otan depýtattarynyń reıtıngi jarııa formatta ótkiziledi

«Nur Otan» kelesi jyldyń aqpan aıynan bastap depýtattardyń jarııa reıtıngin iske qosady. Bul týraly  partııa Tóraǵasynyń birinshi orynbasary Baýyrjan Baıbek óziniń Facebook paraqshasynda habarlady.

Onyń aıtýynsha, Elbasy, partııa Tóraǵasy Nursultan Nazarbaevtyń tapsyrmasymen qyrkúıekten bastap barlyq deńgeıdegi máslıhattardaǵy «Nur Otan» fraksııasynyń depýtattaryn keshendi túrde baǵalaý boıynsha elektrondy platforma alǵash ret pılottyq rejımde iske qosyldy.

Buǵan deıin úlken daıyndyq jumysy júrgizilgen: Depýtattar reıtıngisin qalyptastyrý erejesi ázirlenip, ol Saıası keńes Bıýrosynyń sheshimimen bekitildi, aqparattyq júıe jasaldy, derekter bazasy sırflandyryldy jáne t.b.

Reıtıngti endirý bıleýshi partııadan saılanǵan depýtattardyń qyzmetin jandandyrýǵa, halyqpen keri baılanysty kúsheıtýge jáne jergilikti jerlerde saılaýaldy ýádelerdiń iske asyrylý tıimdiligin arttyrýǵa júıeli serpin bergenin aıtqan Baýyrjan Baıbek, 217 saılaýaldy baǵdarlamaǵa qoǵamdyq-partııalyq monıtorıng júrgizýge 2,7 myń depýtat derbes jaýap beretinin eske saldy.

«Elbasy, partııa Lıderi N.Á. Nazarbaev atap ótkendeı, «búginde qoǵamnyń depýtattarǵa qoıatyn talaby erekshe: olar azamattardyń múddesi men erkin qorǵap, qoǵam men memleket arasyndaǵy «kópir» bolýy tıis». Sondyqtan aımaqtarǵa sapar aıasynda óńirlik saılaýaldy baǵdarlamalardyń oryndalý jáne reıtıng júıesin endirý barysyn talqylaý úshin «Nur Otan» depýtattarymen toptyq jınalystar ótkizdim. О́ńirlerden túsken usynystardy eskere otyryp, reıtıngti jetildirý boıynsha ózgerister paketi ázirlendi. Búgin «Nur Otan»-nyń Saıası keńesi Bıýrosynyń sheshimimen pysyqtalǵan Ereje bekitildi», - dedi ol.

Partııa Tóraǵasynyń birinshi orynbasary atap ótkendeı, endi reıtıng «Nur Otan» depýtattaryn, máslıhattardaǵy hatshylar men fraksııalar basshylaryn qyzmetiniń aıqyndyǵy men eseptiligine baǵyttalǵan medıa belsendilikke jáne jumystyń túpkilikti nátıjelerine baǵdarlaıdy.

«Kelesi jyldyń aqpan aıynan bastap nurotandyq depýtattardyń reıtıngisi jarııa formatta júrgiziledi. Kez kelgen adam qalaýynsha naqty ýaqyt rejıminde halyq qalaýlylarynyń jumysymen tanysyp, ózekti máselelerdi sheshý úshin suraqtar qoıyp, jaýap ala alady.
Bul qadam Memleket basshysy Q.K. Toqaevtyń «Halyq únine qulaq asatyn memleket» tujyrymdamasyn naqty iske asyrýǵa jáne memlekettik júıeniń ary qaraıǵy ashyqtyǵy men jarııalylyǵy baǵdaryna jol ashatyn bolady», - dep túıindedi Baýyrjan Baıbek.