• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 00:34:41
Almaty
+2°

QR Parlamenti Májilis depýtaty Qazybek Isa Densaýlyq saqtaý vıse-mınıstri ári QR Bas memlekettik sanıtarııalyq dárigeri Erlan Qııasovty qazaq tilinde sóılemegeni úshin synap tastady. 

О́z kezeginde til janashyry, Májilis depýtaty Qazybek Isa Erlan Qııasovqa bylaısha renishin jetkizdi.

– Úsh depýtat qazaqsha suraq qoıdy, siz oryssha jaýap berip jatyrsyz. Jalpy jıyn boıy 15-20 shaqty adam sóz aldy, sonda eki-aq adam qazaqsha sóıledi. Olar – Maqsat Berdiqulov (Veterınarııa boıynsha ulttyq referenttik ortalyq dırektory) pen Qýanysh Asylhanuly (Bilim jáne ǵylym vıse-mınıstri). Elordada júrgende qazaqsha sóıleıtin adam kórseń, shetelde qazaq kórgendeı qýanasyń. Osy eki baýyrym úshin qýanyp otyrmyn. Biraq Erlan Ańsaǵanuly (Qııasov) úshin qýaryp otyrmyn, – dedi Qazybek Isa.

Depýtat Qııasovtan óz suraǵyna jaýap ala almaı júrgenin de eske saldy.

– Qaýipti aqparat taratpaý jóninde sizge suraq jibergenmin. Áli jaýap almadym. Endi sizder kele jatqanda qaı eldiń parlamentine bara jatyrmyn dep oılamaısyzdar ma? Reseıdiń dýmasyna kele jatqandaı jaıbaraqat bolasyzdar. Siz «Nur Otannyń» múshesisiz ǵoı, ıá? Endeshe «Nur Otannyń» tóraǵasy Nursultan Nazarbaev Parlament pen Úkimet tek memlekettik tilde sóıleýi kerek ekenin aıtqan. Osy jerdegi 15-20 adam túgeldeı derlik sol partııanyń múshesi. Bári Reseı tilinde sóılep otyr. «Nur Otannyń» tapsyrmasyn «Aq jol» ókili, men ǵana oryndaýym kerek pe? – dedi Qazybek Isa.

Dalanews.kz basylymynyń aqparatynsha, májiliste «Qazaqstan Respýblıkasynyń bıologııalyq qaýipsizdigi týraly» dep atalatyn zań jobasyn talqylaýǵa dóńgelek ústel otyrysy boldy. Oǵan Májilis komıtetiniń depýtattary, jumys tobynyń músheleri, Densaýlyq saqtaý vıse-mınıstri ári QR Bas memlekettik sanıtarııalyq dárigeri Erlan Qııasov, QR Aýyl sharýashylyǵy vıse-mınıstri Rústem Qurmanov, QR Bilim jáne ǵylym vıse-mınıstri Qýanysh Erǵalıev qatysty.

Sondaı-aq beınekonferensbaılanys quraldary arqyly bıologııalyq, medısınalyq tehnologııalar, bıologııalyq qaýipsizdik, ekologııa, ǵylymı zertteýler salasyndaǵy qyzmetti júzege asyratyn ulttyq ortalyqtar men ınstıtýttardyń basshylary, múddeli mınıstrlikter men vedomstvolardyń ókilderi qatysqanyn aıta ketýimiz kerek. Ǵylymı mekeme basshylarynyń baıandamalary men Densaýlyq saqtaý mınıstrligi ókiliniń jaýaptary orys tilinde bolǵany ras.

"Qamshy" silteıdi
Ilmek sózder: depýtat shendi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir