"Bir túnde soǵys bastala ma?" Sıngapýr AQSh-Qytaı shıelenisi týraly eskertti

"Taıvan buǵazyndaǵy shıelenistiń kúsheıýi bir túnde soǵysqa soqtyrýy ekitalaı, biraq qate esepteý men qate málimetter bolǵan jaǵdaıda ondaı saldar bolýy yqtımal" dep eskertti Sıngapýr premer-mınıstri Lı Sıanlýn.

Bul týraly Lı Bloomberg jańa ekonomıka forýmynda aıtty. Oǵan deıin Qytaı tóraǵasy Sı Szınpın men AQSh prezıdenti Djo Baıden vırtýaldy kezdesýde Taıvan máselesine nazar aýdarǵan.

"Meniń oıymsha, biz alańdaýymyz kerek" dedi Lı Bloomberg-tiń bas redaktory Djon Mıkletveıtke.

Ol 45 mınýttyq sessııada aımaqtyq saýda, kómirtegi shyǵystary, baılyqqa salyq salý, Sıngapýrdaǵy Kovıd-19 jaǵdaıy, sondaı-aq zeınetkerlikke shyǵý jáne bılikti bir adamǵa berý týraly keıinge qaldyrylǵan jospary boıynsha birqatar suraqtarǵa jaýap berdi.