• USD 468.56

  • EUR 497.56

  • RUB 7.3

  • CNY 67.18

09 Aqpan, 09:19:55
Almaty

Foto: Shymkent qalasy ákiminiń baspasóz qyzmeti

Qazaqstanda 3,5 myńǵa jýyq adam donorlyq organdardy transplantasııalaýdy qajet etedi. Bul týraly búgin Ulttyq ǵylymı kardıohırýrgııalyq ortalyǵynyń transplantasııa boıynsha úılestirýshisi Sáýle Shaısultanova Shymkent júrek ortalyǵynda ótken baspasóz konferensııasynda málimdedi.

Sáýle Talǵatqyzynyń aıtýynsha, júrek almastyrýdy qajet etetinderdiń ishinde 150-ge jýyǵy balalar.
- Búginde búkil álemde transplantasııalyq belsendiliktiń ósýi jáne donorlyq prosesti uıymdastyrýda ilgerileý baıqalady. Jyl saıyn organdardy almastyrý boıynsha 115 myńnan astam operasııa jasalady, al zamanaýı tehnologııalar pasıentterdiń ómirin kóptegen jyldarǵa uzartýǵa múmkindik beredi. Bizdiń elimizde qaıtys bolǵannan keıingi donordan donorlyq organdardy transplantasııalaý 2012 jyldan bastap júrgizilýde. Osy kezeńde 84 júrek jáne 14 ókpe transplantasııasy jasaldy. Degenmen donorlyq máselesi biz úshin áli kúnge deıin sheshimin tappaǵan kúrdeli másele, - deıdi S. Shaısultanova.

Baspasóz konferensııasynda qalalyq densaýlyq saqtaý basqarmasynyń basshysy Baqytjan Pozılov qaladaǵy Júrek ortalyǵynyń transplantasııa jasaýǵa daıyn ekendigin atap ótti. Jospar boıynsha aldaǵy úsh aıda Júrek ortalyǵynyń mamandary aǵza almastyrý otasyn jasamaq. Bul úshin emdeý mekemesiniń ota jasaý zaly operasııaǵa qajetti joǵary tehnologııalyq qurylǵylarmen jabdyqtalǵan. Buǵan qosa kardıohırýrg mamandary arnaıy oqytýdan ótip, biliktiligin arttyrǵan. 

"Qamshy" silteıdi
Ilmek sózder: Shymkent

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir