• USD 472.68

  • EUR 466.91

  • RUB 8.01

  • CNY 66.45

05 Qazan, 18:45:24
Almaty
+14°

Foto: Shymkent qalasy ákimdiginiń baspasóz qyzmeti

Shymkent qalasy ákiminiń orynbasary Máýlen Aımanbetovtiń qatysýymen qalada elektr qýatynyń jıi sónýi jaǵdaıyna baılanysty baspasóz brıfıngi ótti. Jıynǵa qalalyq energetıka jáne ınfraqurylymdy damytý basqarmasynyń basshysy B.Býlatbekov, «OńtústikJaryqTranzıt» JShS bas dırektory M.Ibragımov, «KEGOC» AQ-nyń bas ınjeneriniń orynbasary S.Oısov qatysty.

Qala ákiminiń orynbasary shaharda elektr qýaty boıynsha oryn alyp jatqan shekteýlerdiń negizgi sebepteri men tıisti jumystardyń barysyna toqtalyp ótti. Shymkent qalasynda jylytý maýsymynda elektr energııasyn tutyný kólemi joǵary shekke (375 MVt) jetken. Jaz aılarynda bul kórsetkish 313-315 MVt bolǵan edi.

– Búgingi tańda Ekibastuz elektr stansııasynda jóndeý jumystary júrgizilýine baılanysty 221 MVt ornyna 120, Shardara GES-te sý deńgeıiniń tómendeýinen 50 MVt ornyna 8 MVt elektr energııasy alynýda. Jalpy 60-70 MVt tapshylyq paıda boldy. Osy sebeptermen qala aýmaǵynda negizinen, keshki ýaqyttarda 5-20 MVt ýaqytsha shekteýler oryn aldy. Atalǵan máseleni sheshý maqsatynda «Ońtústik JaryqTranzıt» JShS-i, Jambyl GRES-pen qosymsha 70 MVt elektr energııasyn alýǵa kelisimshart túzildi. Bul óz kezeginde qalanyń elektr energııasyn tutyný qajettiligin tolyǵymen jabatyn bolady, – dedi qala ákiminiń orynbasary.

QR Energetıka mınıstri Maǵum Myrzaǵalıevtiń tóraǵalyq etýimen óńirdegi elektr qýatyn taratatyn mekeme basshylarymen jıyn ótip, tıisti sheshim qabyldandy. Oǵan sáıkes, kópqabatty, jeke turǵyn úılerge, áleýmettik nysandarda eletkr qýatyn óshirmeýge kelisim jasaldy. 11 qarashadan bastap atalǵan nysandarda elektr qýaty shektelmeıdi. Tek apatty jaǵdaılar bolǵan kezde ǵana sónýi múmkin.

Qala ákiminiń orynbasary M.Aımanbetov ákimshiliktiń kelisimimen qajet kezde ǵana zańdy tulǵalar men óndiristik mekemelerdi ǵana sóndirilýi múmkin ekenin atap ótti.

Shymkent qalasynda jalpy elektr energııasyn tutyný ótken jylmen salystyrǵanda 12 paıyzǵa artqan. Búginde elektr togynyń qosylý kózi bolyp tabylatyn «1-M-1» qosalqy stansııasynyń qurylysy aıaqtalyp, iske qosýǵa daıyndyq jumysy júrgizilýde.

M. Aımanbetov ruqsatsyz elektr qýatyn paıdalanýshylar boıynsha tıisti sharalar qabyldanatynyn málimdedi. 

"Qamshy" silteıdi
Ilmek sózder: Shymkent

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir