Eks-mınıstr Birjan Nurymbetov aǵasynyń jazasy jeńildedi

Jambyl oblystyq jumyspen qamtý jáne áleýmettik baǵdarlamalardy úılestirý basqarmasynyń eks-basshysy Tımýrjan Nurymbetovke qatysty sot úkimi ózgerdi. Bul týraly Malim.kz habarlady.

Tımýrjan Nurymbetov para aldy, alaıaqtyq jasady jáne qyzmet babyn asyra paıdalandy degen aıyppen 10 jylǵa bas bostandyǵynan aıyrylǵan bolatyn.

Basylym málimetinshe, apellıasııalyq sot úkimdi qaıta qarap, túrme jazasyn eki jylǵa qysqartqan. Iаǵnı sottalǵan sheneýnik endi segiz jylyn abaqtyda ótkizedi.

Nurymbetovtyń qylmystyq is-áreketi memleketke 50 mıllıon teńgeden astam shyǵyn keltirilgen.

"Sot úkiminde qylmystyq jolmen tapqan aqshaǵa ol "FVS 500" markaly eki kolonka, "Pudon" fırmasy shyǵarǵan mıksher jáne mıkrofon alǵan dep kórsetilgen. Sot sheshimimen sáıkes, bul zattar tárkilenedi" delingen aqparattyq habarlamada.

Tımýrjan Nurymbetov – Eńbek jáne halyqty áleýmettik qorǵaý eks-mınıstri Birjan Nurymbetovtyń aǵasy.