Koronavırýs. 700-den astam adamnyń jaǵdaıy aýyr

Densaýlyq saqtaý mınıstrligi eldegi epıdemıologııalyq jaǵdaıǵa baılanysty sońǵy málimetterdi jarııalady.

Mınıstrlik málimetinshe, ótken táýlikte PTR test arqyly 1083 adamnan koronavırýs, 177 adamnan pnevmonııa anyqtalǵan. 16 qarashada 23 adam koronavırýstan, 3 adam pnevmonııadan kóz jumǵan.

18 qarashadaǵy málimet boıynsha, 31 475 adam koronavırýs pen pnevmonııadan emdelip jatyr. Olardyń ishinde 6 454 pasıent stasıonarda, 25 021 naýqas ambýlatorııalyq deńgeıde em qabyldaýda.

Indetke shaldyqqandar arasynda 506 adamnyń jaǵdaıy aýyr, 125 pasıenttiń jaǵdaıy óte aýyr, 91 naýqas О́JJ apparatynda jatyr.

Qazaqstan óńirlerindegi epıdemıologııalyq ahýaldy baǵalaý matrısasyna sáıkes, Pavlodar, Soltústik Qazaqstan oblystary "Qyzyl" aımaqta. Nur-Sultan qalasy, Atyraý, Aqmola, Qaraǵandy, Qostanaı oblystary "Sary" aımaqta. «Jasyl» aımaqta: Almaty, Shymkent qalalary, Aqtóbe, Almaty, Batys Qazaqstan, Túrkistan, Jambyl, Qyzylorda, Mańǵystaý, Shyǵys Qazaqstan oblystary.

18 qarashadaǵy málimet boıynsha 8 588 742 adam vaksınanyń I komponentin, 7 884 832 adam II komponentin saldyrǵan.