• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 03:45:22
Almaty

16 qarasha kúni Armenııa men Ázerbaıjan shekarasynda iri qaqtyǵys bolyp, sonyń saldarynan eki jaqta da qaza taýyp, jaralanǵandar bar, dep habarlady  Haqqin.az aqparat agentti.

Armenııa syrtqy ister mınıstrligi Ázerbaıjan qarýly kúshteri shekaranyń shyǵys bóliginen basyp kirgenin habarlady. Qaqtyǵys kezinde taraptar avıasııadan basqa áskerı tehnıkanyń barlyq túrin paıdalanǵan.

Ázerbaıjan qorǵanys mınıstrligi óz kezeginde Armenııa qarýly kúshterin shekaradaǵy jaǵdaıdy ýshyqtyrý maqsatynda "taǵy bir arandatý áreketin" jasady dep aıyptap otyr.

"Ázerbaıjannyń qarýly kúshteri shuǵyl áskerı operasııa júrgizdi" dep habarlady Ázerbaıjan qorǵanys mınıstrliginiń baspasóz qyzmeti.

"Birinshiden, jaýdyń qozǵalysy shekteldi, qarsylastyń kúshteri men quraldaryna zııan keltirildi. Qabyldanǵan sheshýshi sharalardyń nátıjesinde armıan áskerleri qarýsyz qalyp ustaldy, ártúrli qarý-jaraqtary alyndy. Aýqymdy arandatýshylyq arqyly qysqa merzimde jeńiske umtylǵan armıan áskerı bólimsheleriniń shabýyly, jedel-taktıkalyq turǵydan tolyq sátsizdikke ushyrady, al resmı Erevannyń arandatýshylyqqa barýdaǵy kezekti áreketi sátsiz aıaqtaldy", dep jazady haqqin.az portaly.

Reseı Qorǵanys mınıstrligi soǵys mınıstri Sergeı Shoıgý men onyń armıan jáne ázerbaıjan áriptesteriniń telefon arqyly sóılesýiniń nátıjesinde taraptar shaıqasty toqtatqany habarlandy.

Armenııa premer-mınıstri Nıkol Pashınıan seısenbi kúni keshke Armenııa-Ázerbaıjan shekarasy qazir salystyrmaly túrde tynysh ekenin, biraq jaǵdaı shıelenisip turǵanyn aıtqan.

Reseı prezıdenti Vladımır Pýtınmen telefon arqyly sóılesken Pashınıan shekaradaǵy sońǵy oqıǵalardy egjeı-tegjeıli baıandap, "Ázerbaıjan kúshteriniń áreketi Armenııaǵa qarsy agressııadan basqa eshteńe emes" dep jetkizdi.

"Qamshy" silteıdi
Ilmek sózder: Ázerbaıjan Armııan

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir