Shymkenttegi emhanalar men mektepterde Pfizer vaksınasy salynýda

Úshinshi megapolıske COVID-19-ǵa qarsy amerıkalyq Comirnaty Pfizer ekpesiniń 46 800 dana mólsherindegi alǵashqy partııasy jetkizilgen. Búginde qaladaǵy emhanalar men mektepterde ornalasqan egý pýnkterinde jasópirimder men júkti jáne emizýli analarǵa epke egý jumystary júrip jatyr. Qalalyq №13 emhanada erikti túrde vaksına alýǵa nıet bildirgender alǵashqy komponentin saldyrdy.

Emhana bas dárigeriniń orynbasary Natalıa Kamalova alǵashqy kúni I komponentti 12 oqýshyǵa salǵanyn málimdedi. Al búgin emhanaǵa júkti jáne emizýli balasy bar analar ekpe alýǵa kelgen.

– Búginde 520 júkti áıel tirkelgen. Byltyr balalar men júkti áıelderdiń de aýyrǵandar boldy. Biraq ol kezde ókinishke qaraı aýrýdyń aldyn alatyn vaksına bolmady. Qazir túsindirý jumystaryn júrgizip júrmiz. Erikti túrde vaksınanyń birinshi komponentin saldyrýǵa kelgender bar. Alǵashqy kúni 12 men 17 jas arasyndaǵy on eki oqýshyǵa vaksına salyndy. Iаǵnı, bir dozasy 6 oqýshyǵa jetedi. Barlyq talaptar saqtalǵan, – deıdi N.Alekseevna.

Qala turǵyny Karına Raımqulova 5 aılyq sábıimen kelip vaksınanyń alǵashqy komponentin saldyrdy. 25 jastaǵy ana bul qadamǵa óz erkimen barǵanyn aıtady.

– Qalamyzǵa Pfizer vaksınasyn kelgenin kúttim. Júkti kezimnen bastap osy ekpeni alamyn degen oı boldy. О́ıtkeni joldasymyz ekeýimiz 4 aı buryn juqpaly indetti juqtyryp, aýyryp jazyldyq. Ol ekpe saldyrǵan soń jeńil ótkerdi. Maǵan qıyn boldy. Jazylyp shyqqan soń ekpe saldyrý keregin túsindim. Qazir dáriger baqylaýyndamyn. Keri áseri baıqalmaıdy. Kóńil-kúıim jaqsy, – dedi ol.

Aıta keteıik, qaladaǵy mektepterde vaksınasııalaý jumystaryn júrgizý úshin 140 egý beketi uıymdastyrylǵan. Munda profılaktıkalyq jumystardy júrgizý úshin barlyq jaǵdaı jasalǵan. Ekpe egetin medısına mamandary arnaıy oqytýdan ótip, biliktiligin arttyrǵan. Ekpe turǵyndarǵa qalanyń medısınalyq uıymdarynda, al jasóspirimderge bilim berý uıymdarynda ata-anasynyń nemese onyń zańdy ókilderiniń erikti kelisiminen keıin salynady. Júkti áıelderdi, bala emizetin analardy jáne balalardy vaksınasııalaý aýmaqtyq emhanalarda júrgiziletin bolady.

Azamat JAPPAR