02 Qarasha, 2021 Túrkistan oblysy
Foto: Shymkent qalasy ákiminiń baspasóz qyzmeti
Shymkent qalasynyń ákimi Murat Áıtenov Ál-Farabı aýdanynda ornalasqan jańadan ashylǵan "Bıznes ortalyǵyna" bardy. Onda ınvestısııalyq jobalarmen tanysyp, naqty tapsyrmalar berdi.
Aýdanda 21 myńdaı shaǵyn jáne orta kásipkerlik nysany tirkelgen. Búginde onyń 17 340-y jumys istep tur.
Kásipkerler tarapynan 2021-2025 jyldarǵa 354 joba josparlanǵan, tartylatyn ınvestısııa kólemi shamamen 101 mlrd teńgeni qurady. Mejege sáıkes osy jylǵa josparlanǵan 96 joba júzege asyp, ınvestısııa kólemi 25 mlrd teńgeni qurap, 1500 jańa jumys oryndary ashý qarastyrylǵan.
Al 9 AIDA 74 joba nysanynyń qurylys jumystary aıaqtalyp, ınvestısııa kólemi 21 mlrd teńgeni qurady.
Qala ákimi árbir jobamen tanysyp, bıýrokratııalyq rásimderdi jeńildetýdi, kásipkerlerge memleket tarapynan kórsetiletin qoldaý boıynsha barynsha túsindirý jumystaryn júrgizýdi tıisti sala basshylaryna tapsyrdy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir