Foto: Ashyq derekkóz
О́tken táýlikte PTR test arqyly 1038 adamnan koronavırýs, 43 adamnan pnevmonııa anyqtalǵan. Bul týraly densaýlyq saqtaý mınıstrligi habarlady.
14 qarashadaǵy derek boıynsha bir kúnde 15 adam koronavırýstan, 4 adam pnevmonııadan kóz jumǵan.
Elde PTR synamasy oń nátıje kórsetken jaǵdaılardyń resmı sany 957 537-ǵa jetti. onyń ishinde 12 434 adam indetten kóz jumǵan. 2020 jylǵy 1 tamyzdan beri 81 182 adam pnevmonııaǵa shaldyqqan. Onyń 5097-i qaıtys bolǵan.
Indetke shaldyqqandar arasynda 520 adamnyń jaǵdaıy aýyr, 120 pasıenttiń jaǵdaıy óte aýyr, 104 naýqas О́JJ apparatynda jatyr.
Qazaqstan óńirlerindegi epıdemıologııalyq ahýaldy baǵalaý matrısasyna saı, 2021 jylǵy 15 qarashadaǵy jaǵdaı boıynsha Pavlodar, Soltústik Qazaqstan oblystary "Qyzyl" aımaqta. Nur-Sultan, Almaty qalalary, Aqmola, Qaraǵandy, Qostanaı oblystary – "Sary" aımaqta. Shymkent qalasy, Aqtóbe, Atyraý, Almaty, Batys Qazaqstan, Túrkistan, Jambyl, Qyzylorda, Mańǵystaý, Shyǵys Qazaqstan oblystary "Jasyl" aımaqta.
15 qarashadaǵy málimet boıynsha elde koronavırýsqa qarsy vaksınanyń I komponentin 8 539 432 adam, II komponentin 7 817 732 adam saldyrǵan.
10 qarasha kúni túnde Qazaqstanǵa dúnıejúzilik densaýlyq saqtaý uıymy maquldaǵan Covid-19-ǵa qarsy Pfizer vaksınasynyń alǵashqy partııasy jetkizildi. Kelisim sheńberinde Qazaqstanǵa vaksınanyń 4 mln dozasy ákelinbek.
Vaksına 12 jasqa tolǵan balalar men júkti áıelderge salynady dep josparlanǵan.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir