Almatyda aıyna 5 myń teńge tóleıtin páterge qujat qabyldaý bastaldy

Almatyda 15 qarashadan bastap 29 jasqa deıingi jumys isteıtin jastar úshin jalǵa beriletin turǵyn úı baǵdarlamasy boıynsha ótinim qabyldaý bastalady, dep jazady almaty-jastary.info saıty.

Páterlerdiń aı saıynǵy jaldaý aqysy kommýnaldyq qyzmet aqysyn qospaǵanda 5 myń men 12 myń teńge aralyǵynda bolady dep kútilýde.

О́tinimderdi qabyldaý www.almaty-jastary.info. saıtynda júrgiziledi. О́tinimder 15 qarashadan bastap 20 qarashaǵa deıin tapsyrylý kerek.

Baǵdarlamaǵa qatysýshylarǵa qoıylatyn negizgi talaptar:

• Baǵdarlamaǵa talaptary:

  – 29 jasqa tolmaǵan, mektep, tehnıkalyq jáne orta bilimi bar nemese joǵary oqý ornyn támamdap jumys istep júrýge tıis;

  – Sońǵy 2 jylda Almaty qalasynda tirkeýde turýy kerek;

  – Jeke basynda úıi joq bolýy mindetti;

  – Bankte jınaq shottyń bolýy mindetti.

  – Sońǵy 6 aıda úmitkerlerdiń aı saıynǵy jalaqysy 40 AEK-ten joǵary bolýy tıis – 116 680 teńge.

Beriletin páterler Naýryzbaı aýdanyndaǵy "Alma Sıtı-5" jáne Alataý aýdanyndaǵy "Mádenıet" turǵynúı kesheninde ornalasqan. Jalpy sany – 1 050 bir bólmeli páter. Jalǵa berý merzimi – uzartý quqyǵynsyz 5 jyl.

Qandaı qujattar tapsyrý kerek:

 1. Erejedegi qosymshaǵa sáıkes forma boıynsha ótinish (ótinimdi toltyrǵan soń ózi qurylady);

2. Berýshiniń jáne erli-zaıyptylardyń (bar bolsa) jeke basyn kýálandyratyn skanerlengen qujat;

3. Bilim týraly skanerlengen qujaty (dıplom, sertıfıkattar);

4. Neke qııý týraly skanerlengen kýálik (bar bolsa);

5. Balalardyń skanerlengen týý týraly kýáligi (bar bolsa);

6. Qazaqstan Respýblıkasy boıynsha ótinish berýshige jáne otbasynyń barlyq múshelerine jyljymaıtyn múliktiń joq (bar) ekendigi týraly anyqtama;

7. Jumys ornynan skanerlengen anyqtama, sondaı-aq, jeke kásipkerlik júrgizgen jaǵdaıda jeke kásipkerliktiń tirkelýi týraly kýálik;

8. О́tinish berýshiniń aı saıynǵy tabysyn keminde 40 (qyryq) aılyq eseptik kórsetkish mólsherinde rastaıtyn sońǵy alty aı ishindegi tabysy týraly skanerlengen anyqtamasy;

9. Qazaqstan Respýblıkasy Eńbek kodeksiniń 35-babyna sáıkes eńbek ótilin rastaıtyn skanerlengen qujattary (bıýdjettik uıymda ótildi rastaý úshin eńbek kitapshanyń skanerlengen betterin nemese ótildi rastatyn anyqtamany júkteý kerek bolady);

10. Ekinshi deńgeıli bankterdiń jınaq shottaryndaǵy (depozıtterindegi) jınaqtardyń bolýy jáne nómiri týraly anyqtama jáne banktik shot boıynsha aqshanyń qaldyǵy jáne qozǵalysy týraly skanerlengen úzindi;

11. О́tinish berýshiniń túrli qyzmet salalaryndaǵy jeke jetistikterin rastaıtyn skanerlengen qujattary (kásibı saladaǵy jetistikter eskerilýi qajet. Mysaly, dıplomdar, marapattar jáne basshylyqtyń alǵys hattary).

12. Sonǵy 2 jyl aralyǵynda Almaty qalasy aımaǵynda tirkeý orny ózgengen jaǵdaıda, kóshi-qon organnan 2-jyldyq tirkeýdi rastaıtyn skanerlengen qujat júkteliný kerek (Polısııanyń kóshi-qon basqarmasy).