• USD 424.85

  • EUR 504.21

  • RUB 5.84

  • CNY 65.86

22 Qańtar, 20:20:29
Almaty
-4°

Foto: Shymkent qalasy ákiminiń baspasóz qyzmeti

Qazirgi tańda Shymkent qalasy turǵyndarynyń sany 1 090 200 adamǵa jetti. Olardyń ishinde jastardyń úlesi jalpy halyq sanynyń 22,2%-yn quraıdy. Iаǵnı, úshinshi megapolıste 239 986 jas bar. Shymkentte 9 joǵary jáne 38 arnaýly oqý orny bolsa, onda jalpy 113 881 stýdent bilim alady.

100-den astam etnos ókilderi meken etetin óńirimizde 17 etnomádenı birlestiktiń janynan jastar qanattary qurylǵan. Joǵary jáne orta arnaýly oqý oryndarynda  29 «Dostyq» klýby ashylyp, jumys jasaıdy.

Shymkent qalasyndaǵy  «Jańǵyrý joly» jastar qozǵalysy   2018 jyly qurylyp, búginde qarqyndy jumys jasap keledi.

«Jańǵyrý joly» jastar qozǵalysynyń negizgi maqsaty – Qazaqstanda qoǵamdyq kelisim men jalpyulttyq birlikti nyǵaıtý jumystaryna jastardy tartý bolyp tabylady.

Qazirgi tańda uıymnyń qalalyq shtabyna 35 jas múshelik etedi. Olardyń qatarynda memlekettik mekeme qyzmetkerleri, jastar qanattarynyń, «Dostyq» klýbtarynyń músheleri, t.b. etnos jastary bar.

Jyl basynan beri Qazaqstan halqy Assambleıasy «Jańǵyrý joly» jastar qozǵalysy músheleriniń qatysýymen 22 is-shara uıymdastyryldy. Onyń ishinde:

«Jańǵyrý joly» RJQ óńirlik shtaby men «Jas Otan» JQ Shymkent qalalyq fılıaly arasynda ózara yntymaqtastyq týraly memorandým túzildi.

Jastar bastamalaryna qoldaý bildirý, olardy jalpymemlekettik maqsattar men mindetterge jumyldyrý, beıresmı jastar kóshbasshylarymen jumys júrgizý baǵytynda 16 kezdesý ótkizildi.

Jastarǵa arnalǵan memlekettik baǵdarlamalardy túsindirý, kásipkerlik negizderine oqytý, teris dinı aǵymdardyń yqpalynan saqtaý baǵytynda arnaıy lektorııler, dárister, semınarlar, sheberlik sabaqtary, aksııalar uıymdastyryldy.

Shymkent qalasyndaǵy ıývenaldy polısııa qyzmetkerlerimen birlese «Shymkent – qaýipsiz qala!» taqyrybynda orta arnaýly oqý ornynyń stýdentteri arasynda túsindirme jumystary júrgizildi.

Memleket basshysysynyń «Halyq birligi jáne júıeli reformalar – el órkendeýiniń berik negizi» Joldaýynyń basym baǵyttaryn túsindirý baǵytynda jastar arasynda kezdesýler uıymdastyryldy.   

Qalalyq assambleıa alańynda úzdik kásipkerlerdiń «Qalaı tabysty bolamyn?» taqyrybynda jastarǵa arnalǵan 2 bıznes sheberlik dáristeri ótkizildi.

QR Táýelsizdiginiń 30 jyldyǵyna oraı bastaý alǵan «Táýelsizdik men úshin neni bildiredi?» jobasy aıasynda qalalyq etnomádenı birlestikter janyndaǵy jastar qanatynyń músheleri T.Pak pen K.Boıko memlekettik tilde Táýelsizdiktiń 30 jyldyǵymen quttyqtap, beıneúndeý joldady.

Memlekettik rámizder kúnine arnalǵan respýblıkalyq #Menińtýym patrıottyq aksııasy ótip, memlekettik rámizderdiń qasıeti men mańyzdylyǵy, tarıhy men avtory jóninde keńinen aıtyldy.

Shymkent qalalyq assambleıanyń tapsyrysymen «Ontustik» telearnasynyń efırinen beriletin «Birligi bekem el» telebaǵdarlamasynyń «Bul bizdiń rámiz!» (Memlekettik rámizder kúnine oraı etnomádenı birlestikter janyndaǵy jastar qanattary ókilderiniń Memlekettik rámizderge kórsetken syı-qurmeti týraly) shyǵarylymy   daıyndalyp, efırden berildi.

Jastardy buqaralyq sportqa baýlý, olardyń bos ýaqytyn tıimdi paı̆dalanýyna jáne belsendi ómir saltyn ustanýyna yqpal etý maqsatynda «13 Legion» uıymy men jastar qozǵalysynyń volonterlyq toby «Street-workout» kóshe sportynan Nursát alleıasynda qala turǵyndaryna arnap sheberlik saǵatyn uıymdastyrdy.

Etnomádenı birlestikter janyndaǵy jastar qanattarynyń ókilderi, volonterlar jalpyhalyqtyq tazalyq kúni aksııasyna qatysyp, qala aýmaǵyndaǵy kólderdiń, ózenderdiń jaǵalaýlarynda sanıtarlyq tazalyq jumystaryn júrgizdi.

Sondaı-aq, respýblıkalyq «BizBirgemiz» aksııasyn qoldaý maqsatynda pandemııa kezinde qalamyzdaǵy qoǵamdyq  jumystarǵa 100-ge jýyq Shymkent qalasynyń volonterlary jumyldyrylyp, 20 myńǵa jýyq betperdeler,  medısınalyq  qolǵaptar men  askorbındi qyshqyl dárýmender taratyldy.

Shymkent qalalyq Qazaqstan halqy Assambleıasynyń músheleri men jastar ókilderi «Rıdder, biz birgemiz!» qaıyrymdylyq aksııasyn ótkizip, jıyntyǵy 8 tonnany quraıtyn, quny 12 mln. teńge bolatyn gýmanıtarlyq kómek jóneltti.

Sonymen qatar, «Biz birgemiz!» donorlyq qaıyrymdylyq aksııasy ótkizilip, nátıjesinde  45 erikti jastardan 15 lıtrge jýyq qan alyndy. Jınalǵan qajetti qan aýyr haldegi naýqastar men onkologııalyq aýrýlardy emdeýge baǵyttaldy.

Qazaqstan halqy Assambleıasynyń «Jańǵyrý joly» RJQ  Shymkent qalalyq shtabynyń tóraǵasy N.Ábdiraıym men «Dostyq» klýbynyń músheleri «Ontustik» telearnasynyń «Tań nury»,  «Zhastar LIFE» telebaǵdarlamalaryna qatysyp,  jastar tarapynan óńirde atqarylyp jatqan jáne aldaǵy ýaqytta atqarylatyn jumystar jóninde suhbat berdi.

О́skemen jáne Nur-Sultan qalalarynda QHA etnomádenı birlestikter jáne jastar uıymdary ókilderiniń qatysýymen etnomádenı birlestikterge arnalǵan praktıkalyq semınar-trenıng uıymdastyrylyp, olarǵa QHA «Jańǵyrý joly» RJQ Shymkent qalalyq shtabynyń 7 ókili qatysty.

Atqarylyp jatqan jumystar týraly aqparat turaqty túrde óńirlik BAQ pen áleýmettik jelilerde jarııalanýda.  

Jalpy, qazirgi tańda «Jańǵyrý joly» qozǵalysynyń jumysyn jandandyrýǵa erekshe nazar aýdarylyp keledi.

Aldaǵy ýaqytta, jastardy ekonomıkalyq, áleýmettik salany nyǵaıtý, eldegi qoǵamdyq-saıası turaqtylyqty, kelisimdi saqtaý prosesterine tartý, jastar mádenıetin qalyptastyrý, olardyń jan-jaqty damýyna, bilim, zııatkerlik jáne kásibı-deńgeıin arttyrý maqsatynda birneshe jobalar júzege asyrylatyn bolady.

Sondaı-aq,  Assambleıanyń jastar baǵytyndaǵy qyzmetin odan ári jetildirý úshin «Qazaqstan halqy Assambleıasy» ǵımaratynda jastar ókilderi men eriktilerge arnalǵan kabınetpen jáne QHA bastamalaryn iske asyrý úshin kovorkıng-aımaqpen qamtamasyz etilýi josparlanýda.

"Qamshy" silteıdi
Ilmek sózder: jastar shymkent

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir