• USD 433.3

  • EUR 464.19

  • RUB 6.48

  • CNY 64.56

28 Mamyr, 04:58:48
Almaty
+17°

Rejısser Dárejan О́mirbaevtyń “Aqyn” fılmi 34-shi Halyqaralyq Tokıo kınofestıvalinde “Úzdik rejısser” atalymy boıynsha jeńiske jetti.

Bul fılm poezııa týraly ǵana emes, qazirgi ýaqytta, ónerdi baǵalamaıtyn kezeńde aqyn bolýdyń ońaı emestigin, qanshalyqty qıyn ekendigin kórsetetin týyndy. Rejısser óz sózinde fılmine qazylar alqasynyń tarapynan joǵary baǵa berilgendigine rıza bolyp, naqty baǵasy beriler ýaqyt alda ekendigin atap ótti.

«Aqyn» fılminiń ssenarııin jazýǵa nemis jazýshysy German Gesseniń shyǵarmasy sebep bolǵan. Ol avtor «Igra v bıser» degen romany úshin «Nobel» syılyǵyn alǵan. Jazýshynyń «Avtorskıı vecher» degen áńgimesi rejısserdy beı-jaı qaldyrmaǵan. Sol áńgime túrtkisimen úlken ssenarıı bastap, shyǵarmashylyq adamynyń basynan ótken jaǵdaılary men máseleleri arqyly úlken taqyrypty qozǵaýǵa bolady degen oıǵa kelip, qoǵamǵa ún qatqan. Fılmde shyǵarmashylyq adamdarynyń ómiri, kózge kórinetin, keıde kórinbeıtin máseleleri kórsetilgen.

Basty róldi «Jigitter» kvartetiniń ánshisi Erdos Qanaev somdaǵan. Tili de, túri de qazaq aqynyna kelip turǵan soń rejısserdyń tańdaýy «Jigitterdiń» jigitine túsken. Fılmde Aqberen Elgezek, Erlan Júnis sekildi aqyndardyń óleńi paıdalanylǵan.

Eske sala ketsek, Dárejan О́mirbaevtyń «Kardıogramma», «Shilde», «Stýdent» sekildi fılmderi bar. Kóptegen halyqaralyq kınofestıvalderiniń júldegeri.

Elenora ÁMIR

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir