10 Qarasha, 2021 NEWS
Foto: Atyraý oblysynyń tótenshe jaǵdaılar departamenti
Atyraý qalasy Balaýsa shaǵynaýdanyndaǵy jeke turǵyn úıde tabıǵı gazdyń jylytý qazandyǵy jaryldy, dep habarlady óńirdiń tótenshe jaǵdaılar departamenti.
Oqıǵa 10 qarasha kúni túngi saǵat túngi 1-shamasynda bolǵan. Oqys oqıǵa saldarynan 120 sharshy metr bolatyn úı otqa oranǵan.
Jarylys saldarynan 3 adam zardap shegip, oblystyq aýrýhanaǵa jetkizilgen.
Atyraý oblystyq densaýlyq saqtaý basqarmasynyń úsh naýqastyń jaǵdaıyn habarlady.
" Eki 2002 jylǵy jigittiń biri 90 paıyz dene kúıigin alǵan, ekinshi 2002 jylǵy jigittiń denesi 85-90 paıyzǵa kúıip qalǵan. Eki pasıent tynys alý joldarynyń buzylýyna baılanysty ventılıatorǵa qosyldy.
1999 jyly týǵan qyz dárigerlerdiń baqylaýymen neırotravmatologııa bólimshesinde jatyr, naýqas denesiniń 25-30 paıyzyn kúıik shalǵan" delingen habarlamada.
О́rt túngi saǵat 2-den 15 mınýt ótkende oqshaýlanyp, saǵat 2-den 40 ketkende óshirilgen. Qyzyl jalynda sóndirýge tótenshe jaǵdaılar departamentiniń 16 qyzmetkeri, 6 tehnıka jáne jedel járdem brıgadasynyń 9 adamy, 3 tehnıkasy jumyldyrylǵan.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir