58 kópqabatty úıde múlik ıeleriniń birlestigi quryldy

Abaı aýdanynda jalpy 453 kópqabatty turǵyn bar. Aýdan ákimdigi ókilderi jyl basynan beri turǵyndarmen 500-den asa jıyn uıymdastyryp, jańa basqarý júıesi jóninde túsindirme jumysyn júrgizgen.  Atqarylǵan basqosýlar óz nátıjesin berdi. Búginde 297 kópqabatty úıde jaı seriktestik jáne 58 úıde múlik ıeleriniń birlestigi qurylyp, qalalyq ádilet departamentinde tirkeldi.

Múlik ıeleriniń birlestigi men jaı seriktestikti basqarýda kópqabatty turǵyn úıdi jaqsartý, taza ustaý, jóndeý jáne taǵy basqa jumystardyń qalaı oryndalyp jatqany anyq kórinedi. 

«Bir úı –bir birlestik – bir esepshot» qaǵıdasy arqyly turǵyndar óz úıin ózi kútip ustaýǵa aqsha jınap, jınalǵan aqshany qaıda jáne qalaı jumsaýdy basqarý múmkindigi bar. 
MIB (múlik ıeleriniń birlestigi) qurylǵanda eki esepshot ashylady. Olar aǵymdaǵy jáne jınaq shoty. Aǵymdaǵy shot esebinen kúndelikti tazalaý, jınaý, jýý qyzmetiniń aqysyn tólep otyrýǵa jumsalady.

Al jınaq shotyna uzaqmerzimdi ýaqytqa aqsha jınap, turǵyn úıdi jóndeý, shatyryn aýystyrý sııaqty jumystardy isteıdi. Jınaq shotyna túsken qarajat esebinen kóppáterli úılerde kúrdeli jóndeý jumysyn da atqarýǵa bolady.

Qala turǵyndarynan kópqabatty úılerdi basqarýdyń jańa júıesin qoldaýǵa shaqyramyz. Jańa júıe aýlalardy abattandyrýǵa, kúrdeli jóndeý júrgizýge qatysty máselelerdi ýaqyt ótkizbeı, túbegeıli joıyp, jaýapkershilikti arttyrady. 

Shymkent qalasy ákimdiginiń baspasóz qyzmeti