Buqaralyq sporttyń damýy – sport nysandarynyń qoljetimdiliginde

Shymkent qalasynda buqaralyq sportty, sporttyq ınfraqurylymdy damytý, joǵary sport sheberligi boıynsha júıeli jumystar atqarylýda. 2021 jyldyń 9 aıynda halyqtyń dene shynyqtyrýmen jáne sportpen júıeli túrde qamtylý kórsetkishi 31 %-dan asty.

Shaharda 2021-2025 jyldary 115 zamanaýı sport alańdaryn salý, «Metallýrg» stadıonyn qaıta jańǵyrtý, №12 balalar men jasóspirimder sport mektebiniń sport keshenin paıdalanýǵa berý, 14 myńnan astam balalarǵa sport seksııalaryn ashý, zamanaýı ıppodrom qurylysy jáne taǵy basqa tıisti jumystar júrgiziledi. Osy jumystardyń nátıjesinde halyqtyń buqaralyq sportpen qamtylýy 35 %-dan asady. 2021 jyly 4 096 bala sport seksııalarymen qamtyldy.

Shaharda sport nysandarynyń sany – 890. Kópqabatty turǵyn úı aýlalarynyń 77 % sport jáne oıyn alańshalarymen qamtamasyz etilgen.

2021 jyly sport alańshalarynyń qurylys josparyna sáıkes, Abaı aýdanynda 33 sport alańsha, Eńbekshi aýdanynda 14, Qarataý aýdanynda 21 sport alańshasynyń qurylysy bastalǵan. Jalpy 68 sport alańshanyń qurylysy qolǵa alynǵan. Onyń ishinde, jeke qarajat esebinen 14 sport alańsha salynady.