09 Qarasha, 2021 NEWS
Foto: Shymkent qalasy ákiminiń baspasóz qyzmeti
Bıyl Shymshaharda 21,9 shaqyrymdyq 9 magıstraldy kóshede ortasha jóndeý jumystary júrgizilýde. Olardyń qatarynda B.Momyshuly, S.Báıterekov, T.Rysqulov, J.Táshenov, Ǵ.Ilıaev, J.Shaıahmetov, Aqnazar han jáne Klara Setkın kósheleri bar.
Qalalyq jolaýshylar kóligi jáne avtomobıl joldary basqarmasynyń dereginshe, Shymkenttegi basty magıstraldy, kólik aǵyny joǵary kóshe bolyp tabylatyn S.Báıterekov kóshesinde jaıaý júrginshiler joly men velojol salý jumystary aıaqtalýǵa jaqyn. Jaýapty merdiger mekeme – «Profılend» JShS.
Jóndeletin kósheniń uzyndyǵy 2 shaqyrymdy quraıdy. Jaıaý júrginshiler jolyna mármár tas qosymshasymen jasalǵan jolaıaq tósenishi qoıylǵan. Merdiger kompanııa ókiliniń aıtýynsha, ol uzaq merzimge shydamdy ári qysta taıǵaq bolmaıdy. Sonymen birge, jańa oryndyqtar men qoqys jáshikteri ornatylǵan.
Búginde qurylys jumystarynyń 80 paıyzy bitken. Jumystar kúz mezgiliniń sońyna deıin tolyǵymen aıaqtalyp, paıdalanýǵa beriledi dep josparlanyp otyr.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir