Ákim orynbasary azamattardy áleýmettik mańyzdy máselelerimen qabyldady

Shymkent qalasy ákiminiń orynbasary Erǵalı Bilisbekov áleýmettik sala qyzmetkerleri kúni qarsańynda azamattardy áleýmettik mańyzdy máselelerimen qabyldady. Onlaın qabyldaýda bolǵan jandardyń ótinishteri san túrli. Basym kópshiligi baspana, jumyspen qamtýdy, qoǵamdyq jumys jáne ataýly áleýmettik kómek alýǵa yqpal etýdi ótingen.

Azamattardyń biri qoǵamdyq jumystyń jalaqysyn kóterý máselesin de kóterdi. Alaıda eńbek aqysy joǵary bolatyn turaqty jumysqa ornalastyrý usynysyn 40 jastaǵy azamat qabyldaǵysy kelmedi. Erǵalı Dáýletbekuly óz kezeginde ár azamatty jeke tyńdap, tıisti basqarma basshylyǵyna máselelerdi zań aıasynda sheshýdi tapsyrdy. О́tinishterdiń sheshimi jiti baqylaýǵa alyndy.

Qabyldaýdan soń ákim orynbasary Shymkent qalasyndaǵy №6 balalar arnaýly áleýmettik qyzmetter kórsetý ortalyǵyna bardy. Erǵalı Bilisbekov ortalyqtyń qyzmet kórsetý sapasyn baqylap, qyzmetkerlerin kásibı merekelerimen quttyqtady.

Barlyqtaryńyzǵa eren eńbekterińiz úshin, qıyndyqqa qaramaı tózimdilik, qamqorlyq tanytyp júrgenderińizge alǵysymdy bildiremin. Aldaǵy ýaqytta da qyzmetterińizge asqan jaýapkershilikpen qarap, balalarǵa meıirimdi janashyr bolasyzdar degen senimdemin. Mundaǵy ár bala erekshe ystyq yqylas pen nazarǵa muqtaj ekenin ózderińiz de bilesizder. Olar eshteńeden tapshylyq kórmeýleri qajet. Ne qajet bolsa aıtyńyzdar. Ásirese durys tamaqtanýlaryn, sapaly em qabyldaýlaryn qamtamasyz etýimiz kerek. Et, jemis-jıdekti tikeleı jetkizýshilerden úzbeńizder. Bul búldirshinderge qamqorlyq tanytyp, qoldaý kórsetý barlyǵymyzdyń azamattyq mindetimiz,-dedi Erǵalı Bilisbekov.

Qalalyq jumyspen qamtý jáne áleýmettik qorǵaý basqarmasyna qarasty №6 balalar arnaýly áleýmettik qyzmetter kórsetý ortalyǵynda búgingi tańda stasıonarlyq úlgide 130 jáne jartylaı stasıonarlyq úlgide 95 adamǵa qyzmet kórsetilýde. Medısınalyq qyzmetten bólek, áleýmettik qyzmetkerler jeke kútim jáne baqylaýdy qajet etetin 1,5 jastan 18 jasqa deıingi psıhonevrologııalyq aýytqýlary bar balalarǵa úı jaǵdaıyna jaqyn qamqorlyq jasaýda. Emdik massaj, fızıoemdeý, montessorı kabıneti men túrli dárigerlik kómekter kórsetiledi.

Kúndelikti balalardyń densaýlyǵy tekserilip, emdik-saýyqtyrý sharalary júrgizilýde. Aldaǵy ýaqytta qosymsha emdik dene shynyqtyrý kabıneti ashylmaq. Qajetti ońaltý jáne medısınalyq qural-jabdyqtarmen qamtamasyz etiletin kabınette múmkindigi shekteýli balalardyń jaǵdaıy eskerile otyryp, tirek-qımyl jáne júıke-júıesindegi aýrýlarǵa ońaltý sharalary kórsetiledi . Sonymen qatar bul kabınette balanyń júıkesin tynyshtaldyrý maqsatynda mýzykalyq tehnıkalar qamtamasyz etilmek. Ortalyq tolyǵymen beınebaqylaý kameralarymen qamtylǵan. Búgingi tańda ǵımaratqa kúrdeli jóndeý jumystaryn júrgizý maqsatynda, jobalyq daıyndyq jumystary júrgizilýde.

Qala basshysynyń orynbasary aralaý barysynda sondaı-aq, qalalyq jumyspen qamtý jáne áleýmettik qorǵaý basqarmasy basshysyna áleýmettik nemese medısınalyq mamandar tarapynan qandaı da bir kemshilik oryn alǵan jaǵdaıda qadaǵalaý organdarymen jan-jaqty tekserý júrgizip, qatań sharalar qabyldaýdy tapsyrdy. Medısına qyzmetkerlerine qatysty talap ta kúsheıtilmek.