• USD 424.85

  • EUR 504.21

  • RUB 5.84

  • CNY 65.86

21 Qańtar, 16:21:37
Almaty

Foto: Shymkent qalasy ákiminiń baspasóz qyzmeti

Keshqurym Shymkent qalalyq №1-shi arnaýly áleýmettik qyzmetter kórsetý ortalyǵynda tekserý sharasy júrgizildi.

Qala ákiminiń orynbasary Erǵalı Bilisbekov ortalyqqa eskertýsiz baryp, múmkindigi shekteýli azamattarǵa qyzmet kórsetý sapasyn baqylady. Erǵalı Daýletbekuly birden jatyn bólmeler,ashana, monsha jáne dári-dármek pen azyq-túlik saqtalǵan qoımalardy aralap kórdi. Ortalyq mamandarynyń aıtýynsha, qazirgi tańda qorda 5 aılyq dári-dármek qory saqtalǵan. Pandemııaǵa baılanysty barlyq saqtyq sharalary qadaǵalanýda.

Qyzmet sapasyn baqylaǵan qala basshysynyń orynbasary ortalyqty aralaý barysynda mamandarǵa osynda qyzmet alýshy ár bir azamatqa qamqorlyq kórsetip, emdik-sharalarynda joǵary deńgeıde kútim jasaýdy tapsyrdy.

- Tórt múshesi saý bolsa, bul jandar munshalyqty taǵdyr tálkegin tartpaǵan bolar edi. Bul azamattarǵa erekshe kútim qajet. Bolashaqty eshkim boljap bile almaıdy. Sol sebepti taýqymetterin júrekpen sezinýimiz qajet. Olardy medısınalyq jáne áleýmettik ońaltý arqyly, aýrýshańdyq deńgeılerin asqyndyrmaý basty mindetterińiz. Árıne, eńbekterińiz ben jaýapkershilikterińiz ońaı emes. Degenmen, talap pen maqsat aıqyn ,-dedi Erǵalı Bilisbekov.

Shymkent qalasyndaǵy №1-shi arnaýly áleýmettik qyzmetter kórsetý ortalyǵy taıaýda birqatar jańa medısınalyq quraldarmen tolyqqan bolatyn. Onyń ishinde naýqasqa yńǵaıly ári sapaly em kórsetýge arnalǵan kópfýnksıonaldy kereýetter, qyzmet alýshylardy emhanaǵa tasymaldaýǵa arnalǵan arnaıy avtokólik jáne odan bólek kir jýǵysh mashına, salqyndatqyshtar syndy turmystyq qajettilikke arnalǵan zattar da jańartyldy.

Búginde Shymkent qalasy jumyspen qamtý jáne áleýmettik qorǵaý basqarmasyna qarasty №1-shi arnaýly áleýmettik qyzmetter kórsetý ortalyǵynda 160 maman jumys isteýde. Dárigerlik quram terapevt, psıhıatr, psıholog, stomatolog syndy bilikti mamandardan jasaqtalǵan. Qabyrǵasy osydan 60 jyl buryn qalanǵan ǵımarat búginde tis dárigeri, emdik massaj, fıto bar jáne basqa da medısınalyq prosedýra kabınetterimen qamtylǵan. Jalpy, jasy 18-den asqan, I - II toptaǵy psıhonevrologııalyq aýrýlary bar múmkindigi shekteýli azamattarǵa 8 baǵyt boıynsha qyzmet túrleri kórsetedi. Ortalyqta sondaı-aq, zamanaýı tehnıkalarmen jabdyqtalǵan 3 medısınalyq beket, 2 trenajerlyq zal jasaqtalǵan.Qazirgi tańda ortalyqta 225 adam em qabyldaýda.

Aralaý barysynda málim bolǵanyndaı,ortalyqqa 50 oryndyq qosymsha ǵımarat qajet.Qazirgi tańda jobalyq smetalyq qujatyn daıyndaý jumystary júrgizilýde.

"Qamshy" silteıdi
Ilmek sózder: Shymkent

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir