05 Qarasha, 2021 Mańǵystaý oblysy
foto: Qaraqııa aýdany ákimdiginiń baspasóz qyzmeti
Mańǵystaý oblysynyń Qaraqııa aýdanyna qarasty Munaıshy aýylynda jedel járdem qyzmeti jumysyn bastady. Bul týraly Munaıshy aýylynyń ákimi Bolat Bekmurzaev málim etti. Onyń aıtýynsha, Munaıshy aýylynda 6 myńnan astam turǵyn bar. Osy kúnge deıin Munaıshy men oǵan qarasty stansııa Jetibaı eldi mekenine Jetibaı aýylyndaǵy jedel járdem qyzmet kórsetip keldi.
-«Endi bul másele sheshimin tapty. Jańadan ashylǵan jedel járdem qyzmetine aýyldyń ortalyǵynda ǵımarat berildi. Oǵan arnaıy avtokólik, medısınalyq qurylǵylar men dári-dármekter bólingen. Endi turǵyndarǵa táýliktik kezekpen 3 top qyzmet kórsetedi. Ár topta 1 feldsher, 1 dıspetcher jáne 1 júrgizýshi bar», - dedi Bolat Bekmurzaev.
Qaraqııa aýdany ákimdiginiń baspasóz qyzmeti
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir