05 Qarasha, 2021 Barlyq aımaqtar
sýretti túsirgen J.Jumabekov
Búgin palata spıkeri Nurlan Nyǵmatýlınniń tóraǵalyǵymen májilis bıýrosy ótip, onda aldaǵy jalpy otyrystyń kún tártibi naqtylandy.
Májilis tóraǵasy Nurlan Nyǵmatýlın atap ótkendeı, Palata depýtattary jalpy otyrysta Salyq kodeksine jáne ony qoldanysqa engizý týraly Zańǵa ózgeristerdi birinshi oqylymda talqylaıdy.
Parlament depýtattary ázirlegen bul qujat kameraldyq baqylaý nátıjeleri boıynsha salyq daýlaryn retteýdiń mindetti sotqa deıingi tártibin engizýdi usynady.
Sonymen qatar, Májilis depýtattary quqyq qorǵaý organdary, prokýratýra jáne sot arasynda ókilettikterdiń jáne jaýapkershilik aımaqtarynyń arajigin ajyrata otyryp, úsh býyndy modeldi engizý máselelerine qatysty zań jobasyn birinshi oqylymda qaramaq.
Bıýro otyrysynda depýtattar nazaryna birqatar ratıfıkasııalyq zań jobalary usynyldy. Olar: Qazaqstannyń Qyrǵyz jáne Tájikstan elderimen áskerı-tehnıkalyq kómek kórsetý jáne Tájikstanmen tájik-aýǵan shekarasyna irgeles aýdandarda qaýipsizdikti qamtamasyz etýde áskerı-tehnıkalyq járdem kórsetý týraly kelisimderi.
Sondaı-aq, Palatanyń aldaǵy jalpy otyrysyna ekinshi oqylymda Adam quqyqtary jónindegi ýákil týraly, Qylmystyq kodekske ólim jazasy máselelerine qatysty zań jobalary usynylmaq. Osy rette daýlardy sottan tys jáne sotqa deıingi retteý ınstıtýttaryn damytý máseleleri týraly zań jobasy da ekinshi oqylymda qaralady dep kútilýde.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir