• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 03:31:33
Almaty

«Nur Otan» partııasynyń baspasóz qyzmeti «Tarıhta osy kúni» aıdary aıasynda áleýmettik jelilerde «Bolashaq» baǵdarlamasyna arnalǵan beınerolık jarııalady.

«1993 jyldyń 5 qarashasynda elimizdiń Tuńǵysh Prezıdenti Nursultan Nazarbaevtyń «Bolashaq» stıpendııasyn taǵaıyndaý týraly Jarlyǵy shyqty. Elbasynyń teńdessiz sheshiminiń arqasynda myńdaǵan qazaqstandyq álemniń úzdik joǵary oqý oryndarynda bilim alýǵa qol jetkizdi. Búginde bolashaqtyqtar ekonomıkanyń túrli salasynda tabysty jumys istep qana qoımaı, startaptardy iske qosýda, bilim berý, densaýlyq saqtaý jáne ǵylym salasynda júzdegen ǵylymı ázirlemeler men jobalardy iske asyrýda», – delingen beınerolık sıpattamasynda.

2001 jyly alǵashqy túlekter eldegi eń tabysty úkimettik emes uıymdardyń birine aınalǵan «Bolashaq» qaýymdastyǵyn qurdy.

Sondaı-aq, 2011 jyly bolashaqtyqtar daryndy balalardy qoldaýǵa baǵyttalǵan áleýmettik jáne qaıyrymdylyq jobalardy júzege asyrý úshin «Bolashaq» qoryn qurdy.

Máselen, 10 jyl ishinde balalarǵa arnalǵan 37 fılm álemdik standarttarǵa saı aǵylshyn tilinen qazaq tiline dýblıajdaldy. «Bolashaq» qory jumysynyń negizgi baǵyttarynyń biri – ınklıýzıvti bilim berýdi damytý jobasy.

«Ár bala mektepke barýǵa laıyqty» bolashaqtyqtardyń jobasy aıasynda erekshe bilim alýǵa qajettiligi bar 2 myń balanyń ómiri ózgerip, aldynan jańa múmkindikter ashyldy. Olardyń kópshiligi sóıleýdi úırenip, óz betinshe oqýǵa kóshti, túrli jarystar men olımpıadalardyń júldegerleri atandy. Jalpy, elimizdiń barlyq óńirinde 59 mamandandyrylǵan ońaltý mekemesi, onyń ishinde 43 ınklıýzııany qoldaý kabıneti ashyldy», – delingen beınerolıkte.
Partııanyń baspasóz qyzmeti atap ótkendeı, «Bolashaq» – Qazaqstannyń halyqaralyq brendine aınalǵan Elbasynyń kóptegen tabysty jobalarynyń biri.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir