Aqtóbe qalasy ákiminiń baspasóz qyzmeti
Bul týraly Ońdasyn Orazalın Ortalyq kommýnıkasııalar qyzmetinde ótken Aqtóbe obysynyń bıylǵy jyldyń toǵyz aıy ishindegi áleýmettik-ekonomıkalyq damýynyń qorytyndysy men aldaǵy kezeńge josparlary týraly baspasóz máslıhatynda málimdedi.
«Oblysymyzdyń mańyzdy ekonomıkalyq salasynyń biri aýyl sharýashylyǵy bolyp tabylady. Aǵymdaǵy jyly aýyl sharýashylyǵy taýaryn óndirýshilerdi memlekettik qoldaý maqsatynda respýblıkalyq jáne jergilikti bıýdjetten shamamen 26,7 mlrd.teńge sýbsıdııa bólindi.
Onyń ishinde, qomaqty qarajat, ıaǵnı 6,7 mlrd. teńge jem-shóp satyp alýǵa bólindi. Bizdiń oblys - aǵymdaǵy jyly osyndaı aýqymda aýyl sharýashylyǵyna qajetti qoldaý kórsetken óńirlerdiń biri. Sonymen qatar, «Eńbek» baǵdarlamasy boıynsha 746 jobany iske asyrýǵa 3,3 mlrd.teńge bólindi»,- dedi O.Orazalın.
Jalpy, aǵymdaǵy jyldyń 9 aıynda 270 mlrd.teńgeden astam aýyl sharýashylyq ónimi óndirildi. О́tken jyldyń sáıkes kezeńimen salystyrǵanda iri qara mal basy 4,7%–ǵa, usaq mal – 3,2%-ǵa, jylqy - 9,7%-ǵa, qus - 7,9%-ǵa artty.
О́ńirde sýarmaly jerlerdi paıdalanýǵa berý jumystary da belsendi júrip jatyr. Qazirgi ýaqytta Respýblıkalyq bıýdjet esebinen oblysta 10,6 myń ga únemi sýarmaly jerlerge qajetti ınfraqurylym tartý jumystar júrgizilýde. Aıaqtaý merzimi 2022 jyl. Nátıjesinde kelesi jyly únemi sýarmaly jerlerdiń kólemi 2020 jylmen salystyrǵanda 35,1%-ǵa ulǵaıyp 40,8 myń gektar quraıdy.
Ol óz kezeginde aýyl sharýashylyǵy ónimin ulǵaıýyna jáne jergilikti turǵyndardy azyqpen qamtamasyz etýge múmkindik beredi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir