Mańǵystaýlyq turǵyn teriden qamshy óredi

Mańǵystaý oblysyndaǵy Jarmysh aýylynyń turǵyny Dosbaı Tólemaǵanbetov teriden qamshy óredi. Ol bul ónerge bala kúninen qyzyqqan. О́z betinshe qamshy órý, tusamys, er-turman, muryndyq jasaýdy úırengen.

Mańǵystaý aýdany ákimdigi baspasóz qyzmetiniń habarlaýynsha, qolóner sheberi alǵashqyda túrli buıymdy kúndelikti sharýaǵa paıdalaný úshin  jasap júrgen. 2000-jyldan bastap qoldan, taza mal terisinen órilgen qamshysy suranysqa ıe bola bastady.

-«Maldyń jańa soıylǵan terisi ılenedi. Ony keptirip qamshyny túıeniń moıyn terisinen, shashaqtaryn eshkiniń terisinen, malaqaıyn sıyrdyń terisinen daıyndalady. 4,6,8,9,12 túrli órim órip, sabyna jyńǵyl butaǵyn paıdalanady. Osylaı erekshe yqylaspen jaıyndaǵan dúnıe turǵyndardyń kóńilinen shyǵyp keledi»,-dedi Dosbaı Tólemaǵanbetov.

Sheberdiń aıtýynsha, alys-jaqyn aýyldardan tapsyrys beretinder de kóp. Dosbaı Tólemaǵanbetov tek qamshy emes, atqa er, jylqyǵa tusamys, túıe malyna muryndyq ta jasaıdy. Osylaısha, ata – babadan qalǵan dástúrdi saqtap, jalǵastyryp júr. Bilgen-túıgenin qos ulyna da úıretken. Qazir balalary qamshy órý, er, tusamys, muryndyq jasaý joldaryn sheber meńgergen.