Aqtaýlyq jas kásipker ulttyq naqyshtaǵy zergerlik buıymdar jasaıdy

Aqtaýlyq Damır Tórebaı kúmisten túrli áshekeı buıymdar jasaıdy. Sýret salýǵa qabileti mol Damır jastaıynan zergerlik buıym jasaýmen aınalysady. Ol Júrgenov atyndaǵy Qazaq Ulttyq óner akademııasyn zergelik is mamandyǵy boıynsha támamdaǵan.

Aqtaý qalasy ákimi baspasóz qyzmetiniń habarlaýynsha, bıyl Damır «Eńbek» nátıjeli jumyspen qamtýdy jáne jappaı kásipkerlikti damytýdyń  2017-2021 jyldarǵa arnalǵan memlekettik baǵdarlamasy aıasynda qaıtarymsyz grantqa ıe boldy. Berilgen qarajatqa qajetti qural- jabdyqtar alyp, shaǵyn  sheberhana ashqan.

-«Zergerlikke ǵana emes, kishkentaıymnan sýret salýǵa, músin jasaýǵa, aǵash oıýǵa qumarlyǵym bolatyn. Zergerliktiń qyr-syryn jete meńgerý maqsatynda osy salany tańdadym. Ádemi buıymdar jasaýǵa qyzyǵamyn jáne buıymdardy tek kúmispen jasaımyn», - deıdi Damır Tórebaı.

Qazir sheber qyz-kelinshekterge arnalǵan  ulttyq naqyshtaǵy saqına, syrǵa, bilezikter jasaıdy. Eski buıymdardy jańa úlgide jasap shyǵarýǵa tyrysady. Jas kásipker bolashaqta sheberhanasyn keńeıtip, ulttyq murany álemge pash etkisi keledi.