• USD 468.56

  • EUR 497.56

  • RUB 7.3

  • CNY 67.18

29 Naýryz, 16:06:21
Almaty
+35°

Táýelsizdiktiń 30 jyldyǵy qarsańynda Shymkent qalasynda «Shańyraq» jeńildetilgen nesıelik baǵdarlamasy boıynsha Turan shaǵyn aýdanynda ornalasqan kezekti 7 turǵyn úı (№6a,8a,10a,12a,14a,16a,18a) qoldanysqa berildi. Saltanatty merekelik sharaǵa Shymkent qalasy ákiminiń orynbasary Maýlen Aımanbetov arnaıy qatysyp, ınfraqurylymdyq kommýnaldyq qyzmetteri iske qosylǵan páterlerdiń ıelerine páter kiltterin tabystady.

- “Jalpy Turan shaǵyn aýdanynyń damý josparyna sáıkes shashamen 1,2 mln. sharshy metrdi quraıtyn 15,3 myń páterli 319 kópqabatty turǵyn úıdiń qurylysy josparlanǵan. Búgingi tańda bıýdjet esebinen 88 úıdiń qurylysy júrgizilip, onyń ishinde “Shańyraq” baǵytynyń qatysýshalyryna 27 turǵyn úı (1728) boıynsha azamattardy qonystandyrý jumystary kezeń-kezeńimen júzege asyrylýda. Sondaı-aq 7-20-25 nesıelik baǵdarlamasy boıynsha 29 turǵyn úıdiń (1800páter) qurylysy bıyl aıaqtalmaq. Budan bólek jalpy qala aýmaǵynda nesıelik birneshe baǵyttaǵy 50 turǵyn úıdiń jobalaý-smetalyq qujattamasy ázirlenýde. Atalǵan turǵyn úılerdiń qurylys jumystary keler jyly bastalmaq. Bul kórsetkishter aldaǵy ýaqytta azamattardyń baspana máselesiniń sheshilýine úlken yqpal etpek”,-dedi M. Aımanbetov.

“Shańyraq” baǵyty boıynsha Bahytkúl Nýrmetova jyldar boıy kútken baspanasyna búgin qol jetkizdi. Eki balanyń anasy osydan birneshe jyl buryn turǵyn úı kezegine memlekettik qyzmetker sanatymen tirkelgen. Búginde nesıelik baspanaǵa qol jetkizgen jalǵyz basty ananyń qýanyshynda shek joq.

Qurylys basqarmasynyń jumys josparyna sáıkes qazirgi tańda «Shańyraq» baǵdarlamasymen turǵyn úılerdiń qalǵan oramdary boıynsha abattandyrý, jylý syndy ınfraqurylymdyq ınjenerlik kommýnaldyq júıelerdi iske qosý jumystary júrgizilýde. Atalǵan baǵyt boıynsha jyl sońyna deıin ınfraqurylymdyq kommýnaldyq qyzmetteri qosylǵan taǵy 14 turǵyn úıge azamattar qonystandyrylatyn bolady.
Búgingi tańda memleket tarapynan halyqty qoljetimdi baspanamen qamtýǵa erekshe mán berilip keledi. Bıyl qala ákimdigi tarapynan baspanaǵa muqtaj azamattarǵa qoldaý retinde turǵyn úı sertıfıkatyna 500 mıllıon teńge bólindi. Ipotekalyq turǵyn úı qaryzy boıynsha bastapqy jarnanyń bir bóligin jabý úshin qaıtarymsyz negizde ár azamatqa 1 mıllıon teńgege deıin beriledi. Búgingi jańa qonys ıeleriniń 184-i de atalǵan sertıfıkatty alyp, baspanaly bolyp otyr. Baǵdarlamanyń talaptaryna sáıkes, turǵyn úı kezeginde turǵan azamattar otbasynyń ortaq tabysy eń tómengi kúnkóris deńgeıiniń 3,7 eselengen mólsherinen aspaǵan jaǵdaıda qatysa alady. 2021 jylǵa bul tabys 126 917,4 teńgeni qurady. Jyldyq mólsheri 5 paıyzdan aspaıtyn, alǵashqy jarna 10 paıyzben, 20 jylǵa jańa turǵyn úılerdi satyp alý múmkindigi qarastyrylǵan. Eger azamattardyń aı saıynǵy tabys kózi jetpeı jatqan jaǵdaıda, týysy nemese jaqyny kepil bola alady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir