Almaty metrosynda poıyzdar endigide jıi júredi

"Jolaýshylar aǵynynyń ulǵaıýyna jáne jolaýshylardyń kóptegen ótinishterine baılanysty, halyqqa kórsetiletin qyzmetterdiń sapasyn arttyrý maqsatynda Almaty qalasynyń metropolıteninde poıyzdar qozǵalysynyń aralyǵy qarbalas ýaqytta 10 mınýttan 7 mınýtqa deıin qysqarady" delingen aqparattyq habarlamada.

Saıahat avtovokzaly men Abaı-altynsarın kósheleriniń qıylysyn jalǵap jatqan Almaty metrosy búginde 9 beketten turady. Jyl sońyna deıin taǵy eki beket paıdalanýǵa beriledi dep kútilýde.

Jańa beketter iske qosylǵanda jolaýshylar aǵyny kúnine 86 myń adamǵa deıin ósedi dep boljanyp otyr. Qazirgi kezde árleý jumystary júrip jatqan "Saryarqa" jáne "B. Momyshuly" beketteri Abaı dańǵylynyń astynda, Altynsarın dańǵylynan Iаssaýı kóshesine deıin batys baǵytta ornalasqan.

Budan bólek Abaı dańǵylynyń astynda, Iаssaýı shesinen Áshimov kóshesine deıin batys baǵytta "Qalqaman" beketiniń qurylysy júrip jatyr.