Medısına qyzmetkerleri prezıdent joldaýyna qoldaý bildirdi

Densaýlyq saqtaý júıesiniń sapasy men tıimdiligin arttyrý – memlekettiń pandemııa jaǵdaıyndaǵy eń mańyzdy mindeti. Sondyqtan bılik «Deni saý ult» atty ulttyq joba qabyldap, aldaǵy jyldary medısına salasyna mol qarjy quıýdy josparlap otyr. Bul qarjy negizinen medısınalyq ınfraqurylymdy damytýǵa, bilikti maman daıarlaýǵa jáne halyqty dári-dármekpen qamtamasyz etýge jumsalady.

Bul týraly QR Prezıdenti Qasym-Jomart Toqaevtyń «Halyq birligi jáne júıeli reformalar – el órkendeýiniń berik negizi» atty Joldaýyn túsindirý maqsatynda ótken jıynda Ortalyq Azııa ınnovasııalyq ýnıversıtetiniń pedagogıka, psıhologııa kafedrasynyń aǵa oqytýshysy Raıhan Beısekova aıtty.

– Memleket azamattardyń qaýipsiz, erkin, alańsyz ómir súrýine, sapaly bilim alyp, densaýlyǵyn kútýine, óziniń ishki áleýeti men múmkindikterin jaryqqa shyǵaryp, armandary men josparlaryn júzege asyrýyna qolaıly jaǵdaı jasaýy tıis. Qasym-Jomart Kemeluly bıylǵy Joldaýynda osy jolda atqarylýy tıis isterdi naqty kórsetip berdi. Prezıdent bul mindetterdi oryndaý úshin ár salaǵa qatysty ulttyq jobalar bekitiletinin aıtty. Iаǵnı, Joldaýdyń ózegin adam men ult, halyq densaýlyǵy men ulttyq múdde quraıdy desek qatelespeımiz, – deıdi Raıhan Túzelbaıqyzy.

Aıta keteıik, jıynǵa Shymkent qalasy Eńbekshi aýdanynda ornalasqan qalalyq №5 emhananyń qyzmetkerleri qatysty. Basqosý kezinde dárigerler Prezıdent Joldaýyna qatysty oılaryn ortaǵa salyp, otandyq densaýlyq saqtaý júıesin damytýǵa baılanysty usynystaryn jetkizdi.

Jalpy, Shymkent qalasynda QR Prezıdenti Qasym-Jomart Toqaevtyń «Halyq birligi jáne júıeli reformalar – el órkendeýiniń berik negizi» atty Joldaýy keńinen, júıeli túrde nasıhattalýda. Asa mańyzdy saıası qujatty talqylaýǵa arnalǵan osyndaı basqosýlarǵa memlekettik qyzmetshiler, quqyq qorǵaý organdarynyń, bilim berý men densaýlyq saqtaý salasynyń qyzmetkerleri, ardagerler, zııaly qaýym ókilderi, eńbek ujymdary men jastar qatysýda.