Qazaqstanda kómir baǵasy qymbattady

Bıyl elde kómirdiń baǵasy 5 paıyzǵa qymbattaǵan. ShQO-da baǵanyń ósýi birden 11 paıyzdy qurasa, al ońtústik óńirlerde 7 paıyzǵa jetken, dep habarlady energyprom.kz saıty.

Lıgnıt pen kómir konsentratyn qosa alǵanda, óndirilgen kómirdiń kólemi osy jyldyń qańtar-qyrkúıek aılarynda 82,1 mln tonnaǵa teń. Bul – 2020 jylmen salystyrǵanda 1,5 paıyzǵa artyq.

О́ndiristiń jartysynan kóbi dástúrli túrde Pavlodar oblysyna (47,9 mln tonna), úshten biri – Qaraǵandy oblysyna (27,7 mln tonna), aıtarlyqtaı bóligi Shyǵys Qazaqstan oblysyna (6 mln tonna) tıesili.

2021 jyldyń qyrkúıek aıynyń qorytyndysy boıynsha kómir baǵasy ortasha eseppen bir jylda 5,1 paıyzǵa ósken. Sektordaǵy baǵanyń ósýi ekinshi jyl qatarynan baıqalady.

Baǵa 17 óńirdiń 14-inde birshama ósken. Aıtalyq, Shyǵys Qazaqstan oblysynda (jylyna 10,8%-ǵa), odan keıin Jambyl jáne Túrkistan oblystarynda (8,6%-ǵa) kúrt ósken. Tas kómir baǵasy tómendegen jalǵyz óńir – Batys Qazaqstan oblysy (1%-ǵa).

Kómirdi arzan baǵamen Semeıden (tonnasy 9,8 myń teńge), Qaraǵandydan (10,8 myń teńge) jáne О́skemennen (10,9 myń teńge) satyp alýǵa bolatyn bolsa, Oralda kómirdiń baǵasy tonnasyna 19,3 myń teńgedensatylyp jatyr. Tarazda qatty otynnyń tonnasy 15,6 myń teńge, Túrkistanda 15,3 myń teńgeni quraıdy.