Turǵyndar jańa reformadan kóp úmit kútedi

Memleket basshysy Qasym-Jomart Toqaevtyń 2020 jylǵy 1 qyrkúıektegi Qazaqstan halqyna arnaǵan «Jańa jaǵdaıdaǵy Qazaqstan: Is-qımyl kezeńi» atty Joldaýynyń 143 tarmaǵyna sáıkes, «Turǵyn úı qatynastary týraly» QR Zańyna múlik ıeleriniń birlestikterin nemese jaı seriktestikti engizý jóninde reforma qabyldandy. Sonyń negizinde kópqabatty turǵyn úılerde múlik ıeleriniń birlestigin (MIB) jáne jaı seriktestik (JS) qurý boıynsha jol kartasy jáne medıa jospar bekitilip, turaqty jumystar qolǵa alyndy.

Osyǵan oraı Shymkent qalasynyń Abaı aýdany aýmaǵynda MIB jáne JS boıynsha atqarylǵan jumystarǵa qysqasha toqtalsaq, atalǵan aýdanda 453 kópqabatty turǵyn úı bar. Sonyń ishinde 374 kópqabatty úı kondomınıým nysany retinde ádilet basqarmasynda tirkelgen. О́z kezeginde aýdanda kondomınıým obektisi retinde tirkeýden ótken kópqabatty turǵyn úılerde MIB pen JS qurý boıynsha halyqqa túsindirý jumystarynyń medıa jospary bekitilip, bul boıynsha turaqty jumystar atqarylýda. Osyǵan oraı, búgingi tańǵa deıin aýdan ákimshiliginiń uıymdastyrýymen kópqabatty úılerde MIB jáne JS qurýdyń tıimdiligin túsindirý boıynsha turǵyndarmen 574 jınalys uıymdastyryldy. Sonyń nátıjesinde, 389 kópqabatty turǵyn úıdiń kelisim hattamasy jasaldy. Ol úı kólemine shaqqanda 76,6 % paıyzdy qurap otyr. Búgingi tańda 289 kópqabatty turǵyn úıde jaı seriktestik jáne 58 kópqabatty turǵyn úıde múlik ıeleriniń birlestigi qurylyp, qalalyq ádilet departamentinde tirkeldi. О́tken aptada kópqabatty úı turǵyndarymen 31 jınalys ótkizilip, hattamalaryn túzý boıynsha jumystar júrgizildi.

Búgingi tańǵa deıin Ál-Farabı aýdany ákimshiliginiń uıymdastyrýymen kópqabatty úılerde basqarýdyń jańa nysanyna kóshý boıynsha turǵyndarmen 517 jınalys ótkizildi. Sonyń nátıjesine oraı 53 kópqabatty turǵyn úıde múlik ıeleriniń birlestigi qurylyp, qalalyq ádilet departamentinde tirkeýge alyndy. Sondaı-aq, 275 turǵyn úıde jaı seriktestik quryldy. Qosymsha múlik ıeleriniń birlestigin qurýǵa baılanysty 33 kópqabatty turǵyn úıden kelisim hattamalary jınaqtalýda.

Qarataý aýdanynda MIB jáne JS-ny túsindirý maqsatynda turǵyndarmen 83 kezdesý jáne 18 onlaın jınalys uıymdastyryldy. Jalpy alǵanda aýdan boıynsha 10 MIB jáne 287 JS quryldy. Sonymen qatar, túsindirme jumystarynyń nátıjesinde qalǵan kópqabatty úılerden hattamalar jınaqtalý ústinde.

Á.NURJIGITULY