Burynǵy mınıstr, depýtat Temirhan Dosmuhambetov qaıtys boldy

Eki márte mınıstr, májilis depýtaty, ákim bolǵan memleket qaıratkeri Temirhan Dosmuhambetov ómirden ótti. Bul týraly Akkredıtasııa jáne reıtıng táýelsiz agenttiginiń ujymy habarlady. Temirhan Dosmuhambetov agenttik ulttyq keńesiniń tóraǵasy bolǵan.

Temirhan Dosmuhambetov 1949 jyly Qostanaı oblysynda dúnıege keldi. 1972 jyly Qazaq memlekettik dene shynyqtyrý ınstıtýtyn bitirdi, 1995 jyly ál-Farabı atyndaǵy Qazaq ulttyq ýnıversıtetin bitirdi.

Instıtýtty aıaqtaǵan soń, Keńes áskeri qatarynda áskerı qyzmet atqarǵan..

1973-1985 j.j. – Kırov atyndaǵy Qyzyl Tý ordeni Qazaq memlekettiń ýnıversıtetiniń Dene shynyqtyrý jáne sport kafedrasy ǴZJ bólimi oqytýshy, assıstent, aǵa oqytýshy tehnıkalyq bólimniń meńgerýshisi, 1985-1991 j.j. – «Eńbek rezervteri» Qazaq Respýblıkalyq BESQ Kenes tóraǵasynyń orynbasary, tóraǵasy, 1991-1996 j.j. – Týrızm jónindegi «Iаssaýı» Memlekettik Aksıonerlik Kompanııasynyń prezıdenti, 1996-1997 j.j. – Qazaqstan Respýblıkasynyń jastar isi, týrızm jáne sport mınıstri, 1997-1998 j.j. – Týrızm jáne sport jónindegi Komıtetiniń tóraǵasy, 1998-2003 j.j. – Qazaqstan Respýblıkasy Prezıdentiniń Is basqarýshysy, 2003-2004 j.j. – Astana qalasynyń ákimi, 2004-2006 j.j. – Qazaqstan Respýblıkasy Prezıdentiniń Is basqarýshysy qyzmetterin atqarǵan.

2006-2011 jyldary sport jáne týrızm mınıstri bolǵan. Besinshi shaqyrylymda saılanǵan májilis depýtaty bolǵan.

Sońǵy jyldary Almaty oblysyndaǵy agorónerkásipkesheni salasyndaǵy iri holdıng "Baıserke Agro"-ǵa jetekshilik etken.