16 Qazan, 2021 Túrkistan oblysy
Foto: Shymkent qalasy ákiminiń baspasóz qyzmeti
Bıyl «Bozaryq» shaǵyn aýdanyndaǵy bastaýysh synybynyń búldirshinderine esik ashqan «Marjan» mektebi bilim berý isinde sapaǵa kóńil bólip otyr.
Mektepte Bilim jáne ǵylym mınıstrligi bekitken bilim standarty negizinde aqysyz bilim berilýde. Ata-analardyń suranymy boıynsha uzartylǵan kún toby men úıirmeler, úsh mezgil tamaq jáne tasymal qyzmeti aqyly júrgiziledi.
Búginde 150 orynǵa shaqtalǵan mektepte 7 synypqa bólinip, 137 bala bilim alýda. Búldirshinderge 17 muǵalim negizgi pánder men uzartylǵan kún tobynda bilim beredi.
Mektep sońǵy úlgidegi oqý bazasymen jabdyqtalyp, arnaıy medısınalyq qyzmet kórsetetin kabıneti de jasaqtalǵan. Ornatylǵan beınebaqylaý júıeleri balǵyndardyń qaýipsizdigin kózdeıdi.
Shyǵarmashylyq toptar men úıirmeler jumys da jolǵa qoıylǵan. Oqýshylar sabaqtan keıin qolóner men vokal úıirmesine qatysýǵa jáne erkin kúres pen shahmattan ózin shyńdaýǵa múmkindik bar.
Qala basshylyǵy tarapynan bilim salasyn damytýdyń keshendi jospary ázirlendi. Zııatker urpaq tárbıeleý mindeti qalamyzdy ári qaraı órkendetýdiń basymdyǵy retinde aıqyndaldy. «Marjan» syndy jańa mazmundaǵy bilim oshaqtary Shymkenttiń ǵylym men bilim ortalyǵy retinde tanytýǵa qyzmet etedi degen senimdemiz.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir