Murat Áıtenov AQSh-tyń bas konsýlymen kezdesti

Shymkent qalasynyń ákimi Murat Áıtenov AQSh-tyń Almatydaǵy Bas konsýly Kerolaın Sevıdjpen kezdesti. Bas konsýldy jańa mıssııasynyń bastalýymen quttyqtaǵan qala basshysy eki jaqty qarym-qatynas pen yntymaqtastyqtyń odan ári jalǵasatynyna senim bildirdi.

Murat Áıtenov megapolıstiń áleýmettik-ekonomıkalyq damýyna qysqasha toqtalyp, qalada ınvestısııa tartýǵa jaıly jaǵdaı jasalǵanyn, aımaqtyń týrıstik áleýmeti mol ekenin aıtty. Sonymen birge Shymkent – О́zbekstan, Qyrǵyzstan elderimen jáne olardyń astanalary Tashkent pen Bishkek shekaralaryna jaqyn ornalasqan respýblıkanyń iri ónerkásiptik jáne saýda ortalyqtarynyń biri bolyp tabylatynyn atap ótti.

«Bizdiń basty maqsatymyz – qalamyzdy adam ómirine qolaıly jáne bıznes júrgizýge yńǵaıly megapolıske aınaldyrý. Oǵan qol jetkizý úshin biz ınvestısııalyq qoǵamdastyqtarmen jemisti yntymaqtastyqty jalǵastyrýdy kózdeımiz. Qazaqstan men AQSh bıznesiniń ıgiligi úshin jańa jobalar birlesken jumystyń nátıjesi bolady dep oılaımyn»-dedi ákim.

О́z kezeginde Kerolaın Sevıdj eki memleket arasyndaǵy qalyptasqan yntymaqtastyq damı beretinine senim bildirip, bıyl AQSh pen Qazaqstan arasyndaǵy qarym-qatynasqa 30 jyl tolyp otyrǵanyn jetkizdi. Sonymen birge ol Qazaqstan jurtshylyǵyn el Táýelsizdiginiń 30 jyldyǵymen quttyqtady.

Kezdesý barysynda saýda-ekonomıkalyq, ınvestısııalyq, mádenı-gýmanıtarlyq yntymaqtastyq máseleleri saralandy