Shymkentte fızıka-matematıka baǵytyndaǵy lıseı ashyldy

Shymkent qalasynda fızıka-matematıka baǵytyn tereńdetip bilim beretin «Intellect» lıseıi ashyldy.

Asar shaǵynaýdanynda zamanaýı úlgide boı kótergen mektep 5,6,7,8,9 synyptarǵa arnalǵan. Jalpy pánder boıynsha qosymsha sabaqtar júrgizilip, shahmat, dombyra jáne tigin úıirmeleri de jumys isteıdi.

Bilim mekemesi 600 orynǵa arnalǵan. Qazir munda jan basyna qarjylandyrý ádisimen 277 oqýshy aqysyz bilim alyp otyr.

Lıseıdiń saltanatty ashylýyna qatysqan qala ákiminiń birinshi orynbasary Shyńǵys Muqan táýelsizdiktiń alǵashqy jyldary Shymkent qalasynda 70 mektep bolsa, qazir bilim mekemeleriniń sany 200-ge jýyqtaǵanyn, onda 250 myńǵa tarta bala bilim alyp jatqanyn aıtty.

–Sońǵy jyldary bilim salasyna ınvestorlar tartylyp, jan basyna qarjylandyrý júıesi boıynsha jumys isteıtin jekemenshik mektepter kóptep salynýda. Búgin sondaı bilim uıalarynyń taǵy bireýi – «Intellect» fızıka-matematıka lıseıi. Osynyń barlyǵy jas urpaqtyń bilimdi bolýyna memlekettiń aıryqsha nazar aýdaryp otyrǵanyn kórsetedi, -dedi ákimniń birinshi orynbasary.

Saltanatty jıynda «Ummet» qorynyń ókilderi oqýshylarǵa mektep formalaryn syıǵa tartty.