• USD 468.56

  • EUR 497.56

  • RUB 7.3

  • CNY 67.18

07 Aqpan, 03:01:43
Almaty
-2°

Shymkent qalasy Eńbekshi aýdanynyń ákimi Dosbol Esilbek qala ákimdiginiń «Instagram» paraqshasyndaǵy tikeleı̆ efırde atqarylǵan jumystardy baıandady. Aýdan ákimi qysqy jylytý maýsymyna daıyndyq, ulttyq halyq sanaǵyn ótkizý jáne sanıtarlyq tazalyq jumystarynan habardar etip, turǵyndar saýalyna jaýap berdi.

Eńbekshi aýdanyndaǵy kópqabatty úı turǵyndaryna 2021-2022 jylǵy qysqy jylý maýsymynda gazben ýlanýdyń aldyn alý, gaz qondyrǵylaryn qaýipsiz paıdalaný, pesh murjalaryn ýaqtyly tazalaý, jylytý jáne gaz qondyrǵylaryn talapqa saı ornatý boıynsha túsindirý jumystary júrgizilip, jadynamalar taratyldy. Bul maqsatta jyl basynan beri aýdan turǵyndarymen 290 jınalys ótkizilip, úı ishilik gaz jabdyǵyna servıstik qyzmet kórsetýshi mekemelermen kelisimshartqa turý jóninde túsindirildi.

2021 jyldyń 1-30 qazan aralyǵynda ulttyq halyq sanaǵynyń 2-kezeńi júrgizilýde. Osy oraıda Eńbekshi aýdanynda 37 oryn-jaı anyqtalyp (onyń ishinde, 28 mektep, 1 kórkem sýret mektebi), bólingen bólmeler kompıýter, jıhaz, symtetik, ınternet jelisimen qamtamasyz etildi.
Jalpy aýdan boıynsha ulttyq sanaqtyń 2-kezeńinde 37 sanaq ýchaskesinde 37 nusqaýshy-baqylaýshy jáne 252 ıntervıýer (sanaqshylar), jalpy barlyǵy 289 adam sanaq júrgizýde.

Aýdan aýmaǵyndaǵy sanıtarlyq tazalyq jumystary «LTD Turmys» JShS tarapynan júrgiziledi. Búginge deıin aýdanda sanıtarlyq tazalaý jumystaryn uıymdastyrý úshin 8 qalalyq, 15 aýdandyq senbilikter ótkizildi. Senbilikterge 81000-ǵa jýyq adam qatysyp, 216 tehnıka jumyldyryldy. Tazalyq is-sharalaryna turǵyndar, merdiger mekemeler, eriktiler, saýda nysanynyń ıeleri qatysýda.

Aýdan ákimi efır barysynda ınjenerlik júıeler, áleýmettik máseleler boıynsha turǵyndar tarapynan qoıylǵan saýaldarǵa jaýap berdi.

"Qamshy" silteıdi
Ilmek sózder: Shymkent

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir