• USD 469.17

  • EUR 495.07

  • RUB 7.56

  • CNY 67.46

06 Jeltoqsan, 04:15:42
-6°

Almaty oblysy Panfılov aýdanynyń Penjim aýylynda oqýshylardyń jappaı tóbelesinen zardap shekken bala jansaqtaý bóliminen jalpy palataǵa aýystyryldy. Bul týraly oblystyq densaýlyq saqtaý basqarmasynyń resmı ókili Láılim Áýbákirova habarlady.

– 2005 jyly týǵan naýqas jansaqtaý bóliminen travmatologııa bólimshesine aýystyryldy. Al 1968 jyly týǵan naýqas hırýrgııa bólimshesinde em qabyldap jatyr. Qazirgi tańda eki naýqastyń da jaǵdaıy jaqsaryp keledi. Dárigerler olardyń jaǵdaıyn ortasha aýyrlyqta dep baǵalap otyr. Pasıentterge barlyq qajetti medısınalyq kómek kórsetilip jatyr,– dedi Almaty oblystyq Densaýlyq saqtaý basqarmasy baspasóz qyzmetiniń resmı ókili Láılim Áýbákirova.

Eske salaıyq, 27 qazan kúni Panfılov aýdanynyń Penjim aýylynda oqýshylar arasynda jappaı tóbeles boldy. Saldarynan 2005 jyly týǵan bir oqýshy aýrýhanaǵa túsip,  1968 jylǵy er adamnyń basyna tas tıip, jaraqat alǵan. Sonymen qatar birneshe úı men kóliktiń terezesi synǵany habarlandy.

Dárigerler alǵashynda zardap shekken balanyń densaýlyq jaǵdaıy aýyr ekenin aıtqan. Búginde aýyldaǵy úılerdiń materıaldyq shyǵyndary eseptelip jatyr. Qazirgi ýaqytta 30-dan astam úıdiń terezeleri tolyqtaı qalpyna keltirilgen.

Atalǵan fakti boıynsha Qylmystyq kodekstiń 293-babynyń 2-bóligi (Bir top adamdar jasaǵan buzaqylyq jáne Densaýlyqqa qasaqana aýyr zııan keltirý) boıynsha qylmystyq is qozǵaldy.Kináliler segiz jylǵa deıin bas bostandyǵynan aıyrylýy múmkin. Qazir Penjimde patrýldik jasaqtar kezekshilikti jalǵastyrýda. Olar turǵyndardyń tártibi men qaýipsizdigin qadaǵalaıdy.

"Qamshy" silteıdi
Ilmek sózder: Penjim

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir