Eks-sheneýnik buryn isti bolǵan adamdy jumysqa qabyldaǵany úshin jaýapkershilikke tartyldy

Nursultan qalasy bilim basqarmasynyń burynǵy basshysy Shákerim Seısenbaı buryn sybaılas jemqorlyq boıynsha isti bolǵan adamdy jumysqa qabyldaǵany úshin ákimshilik jaýapkershilikke tartyldy.

Ákimshilik is júrgizý materıaldaryn qaraý barysynda Sh. Seısenbaı balabaqsha meńgerýshisi laýazymyna buryn QR QK 176-b. 3 b. "b", "g" t. (Senip tapsyrylǵan bóten múlikti ıemdenip alý nemese talan-tarajǵa salý) jáne QR QK 317-b. 1-b. (1997 jylǵy redaksııasynda) (Memlekettik rámizderdi qorlaý) sottalǵan qyzmetkerdi qabyldaǵany anyqtalyp, Nur-Sultan qalasynyń ákimshilik ister jónindegi mamandandyrylǵan aýdanaralyq soty ony ákimshilik jaýapkershilikke tartqan.

"QR Eńbek kodeksinde kózdelgen normalarǵa sáıkes, buryn sybaılas jemqorlyq qylmys jasaǵan adamdardy kvazımemlekettik sektor sýbektilerine basshylyq laýazymǵa ornalastyrýǵa jol berilmeıdi. Sonymen qatar, 2020 jylǵy qazanda eńbek zańnamasyna engizilgen túzetýlerge sáıkes bul shekteý kvazımemlekettik sektordaǵy qatardaǵy laýazymdarǵa qoldanylady" delinen sybaılas jemqorlyqqa qarsy kúres agenttigi taratqan habarlamada.

31 qazanda Shákárim Seısenbaı Nursultan qalasy bilim basqarmasynyń basshysy qyzmetinen ketetinin málim etken. Alaıda ol kezde ákimshilik jaýapkershilikke tartylǵany týraly aıtpaǵan.