22 eldimekendi sapaly ınternetpen qamtý úshin jol kartasy ázirlendi

Shymkent qalasynyń sıfrlandyrý basqarmasynyń basshysy Á.Ábdirahanov qala ákimdiginiń «Instagram» paraqshasynda ótken tikeleı̆ efırde qala aýmaǵyn mobıldi baılanys jáne talshyqty optıka jelisimen qamtamasyz etý jumystarynyń barysyn aıtyp ótti.Shymkent qalasynyń sıfrlandyrý basqarmasynyń basshysy Á.Ábdirahanov qala ákimdiginiń «Instagram» paraqshasynda ótken tikeleı̆ efırde qala aýmaǵyn mobıldi baılanys jáne talshyqty optıka jelisimen qamtamasyz etý jumystarynyń barysyn aıtyp ótti.

Qala aýmaǵyn jáne qaladan shalǵaı ornalasqan eldimekender men turǵyn alaptardy sapaly ınternetpen qamtamasyz etý jumystary 3 kezeńge bólingen bolatyn. Bıyl ınternetpen qamtamasyz etýdiń 2-kezeńine sáıkes, 14 jer anyqtalyp, 8 aýmaqqa jeke ınvestor esebinen ornatý kelisilgen bolatyn. Búginde jeke ınvestor esebinen 6 aýmaqqa (Yntymaq-2,Tassaı, Qaınarbulaq, Qursaı, Aeroport mańy, № 87 mektep mańy) antenna-matchtalyq qurylǵy ornatylyp, elektr energııasyn tartý jumystary júrgizilýde. Qalǵan 2 jerge (A-2 tas joly, R-32 tas joly) antenna-matchtalyq qurylǵyny ornatý úshin jerdi qazý jáne beton quıý jumystary jasalynýda. 

Al kommersııalyq nysanǵa ornatylýy qajet 6 aýmaqta (Asar, Zabadam, Abdýlabad, Samal-3, Nurtas, Qursaı) bazalyq stansııanyń barlyǵy iske qosyldy. Jyl sońyna deıin qalǵan 8 bazalyq stansııa iske qosylatyn bolsa, shalǵaı eldimekenderdegi 147 000 turǵyn sapaly ınternetpen qamtylyp, jalpy kórsetkish 91 %-y quraıtyn bolady. Bolashaqta búkil qala aýmaǵyn 100 % sapaly ınternetpen qamtý josparlanýda. Bıyl 4 aýdanǵa qarasty 110 shaǵynaýdan men turǵyn alaptardyń tizimi jınaqtalyp, olarǵa basqarma mamandary О́ńiraralyq baılanys ınspeksııasymen birlese ınternet sapasyna tolyq taldaý jumystaryn júrgizdi. Nátıjesinde ınternet sapasy tómen 22 eldimeken anyqtalyp, olardy sapaly ınternetpen qamtý úshin jol kartasy ázirlendi. 

Búginde mobıldi baılanys operatorlarymen birlese 22 eldimekenge bazalyq stansııa ornatý úshin ortalyqpen kelisimdeý jumystary júrgizilýde. 22 bazalyq stansııany 2022-2023 jyldary ornatý josparlanýda. Tıisti jumystar atqarylsa, qala aýmaǵy 100 paıyz sapaly ınternetpen, atalǵan eldimekenderdegi 168 000 qala turǵyny mobıldi ınternetpen qamtylatyn bolady. 

Basqarma basshysy efır barysynda turǵyndar tarapynan qoıylǵan saýaldarǵa jaýap berdi.