Foto: Shymkent qalasy ákiminiń baspasóz qyzmeti
Qalalyq orta sapasy jáne baqylaý basqarmasynyń basshysy Ǵ.О́tenbaev gaz-tehnıkalyq ınspeksııa bóliminiń 9 aıda atqarǵan jumystarynyń nátıjelerin baıandady.
Shymkent qalasynda búgingi tańda úgit-nasıhat túsindirý jumystaryn júrgizý barysynda 185 605 gaz paıdalanýshynyń 107 myńy (58 %) ishki gaz júıelerine qyzmet kórsetýshi mekemelermen kelisimshart jasasty. Onyń ishinde kópqabatty turǵyn úılerdegi tutynýshylardyń sany 66 myń (62 paıyz), al jeke sektordaǵy úılerdegi tutynýshylardyń sany 41 myń (38 paıyz).
Qalada ishki gaz júıelerine qyzmet kórsetýshi 13 mamandandyrylǵan uıym jumys isteýde.
Qalalyq tótenshe jaǵdaılar departamenti tarapynan 1 102 memlekettik ataýly áleýmettik kómek alýshy azamattardyń úılerine gazdabylqaqqyshtar (gazosıgalızator) ornatylǵan. Atalǵan jumystar jeke demeýshiler esebinen atqarylǵan bolatyn.
Sonymen qatar, 2020-2021 jyldary paıdalanýǵa berilgen 2192 páterge SAKZ-MK-2-1 markaly gazdabylqaqqyshtar ornatylǵan. Al, 2021-2022 jyldary qurylysy josparlanǵan 2424 páterge atalǵan gazdabylqaqqyshtar ornatylatyn bolady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir