29 Qazan, 2021 Mańǵystaý oblysy
foto: Mańǵystaý oblysy ákiminiń baspasóz qyzmeti
El Táýelsizdiginiń 30 jyldyǵy aıasynda Jańaózen qalasynyń tarıhı-ólketaný murajaıynda «Mýzeı túni» ótti. Shara «Mýzeı – mádenıet ortalyǵy retinde dástúrdiń keleshegi» dep ataldy. Bul týraly Jańaózen qalalyq mádenıet jáne tilderdi damytý bóliminiń basshysy Gúlaıym Azan málim etti.
Onyń aıtýynsha, mamandar kelýshilerge mýzeı ekspozısııasy boıynsha ekskýrsııalyq baǵdarlamalar men «Jańaózen qalasy: keshe jáne búgin» arhıv qorynan derekti vıdeosıýjetter kórsetti. Sharaǵa qala turǵyndary, mektep pen arnaýly oqý oryndarynan, memlekettik jáne óndiristik mekemelerden qyzmetkerler keldi.
-«Mýzeı - ǵylymı, mádenı-tarıhı ortalyq. Munda birneshe dáýirdiń tarıhyn, etnografııasyn, tarıhı tulǵalaryn, ónerin, halyqtyń salt-dástúrin jınaqy túrde urpaqtan urpaqqa tanytady. Osy maqsatta úsh zaldaǵy ulttyq qundylyqtar kórermenderge tanystyryldy. Mýzeı túninde qalamyzdyń halyqtyq «Dombyra sazy» folklorlyq ansambli, «Dombyra dastan» ansambli, «Altyn darııa» ájeler ansambli, kúıshiler odaǵynyń tóraǵasy Marat Qamaratdınuly jáne basqa da talanttar óner kórsetti. Aldaǵy ýaqytta mýzeı eksponattarynyń qataryn áli de tolyqtyryp, qala turǵyndarynyń nazaryna usynýdy josparlap otyrmyz. Mýzeıdegi sharalar jalǵasyn tabady», - dedi qalalyq mádenıet jáne tilderdi damytý bóliminiń basshysy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir