• USD 468.56

  • EUR 497.56

  • RUB 7.3

  • CNY 67.18

07 Aqpan, 03:24:59
Almaty
-2°

Foto: Shymkent qalasy ákimdiginiń baspasóz qyzmeti

Shymkent qalasynyń óńdeý ónerkásibindegi negizgi kapıtalǵa salynǵan ınvestısııa kólemi bıylǵy 9 aıda 55,4 mlrd teńgeni qurap, ótken jyldyń tıisti kezeńimen salystyrǵanda 2,1 esege artty.

Bul týraly Shymkent qalasynyń kásipkerlik, ındýstrıaldy-ınnovasııalyq damý basqarmasynyń basshysy B.Dúısebekov 2021 jyldyń 9 aıynda atqarylǵan jumystardy qorytyndylaý esebinde málimdedi.
Basqarma basshysy óńdeý ónerkásibiniń damýy, ınvestısııa tartý, kásipkerlikti qoldaý sharalarynyń barysyna toqtalyp ótti.

Shymkent – elimizdegi iri ónerkásiptik ortalyqtarynyń biri. О́nerkásip óniminiń kólemi 2021 jyldyń qańtar-qyrkúıek aılarynda 555,8 mlrd teńgege jetip, 2020 jyldyń tıisti kezeńimen salystyrǵanda 6,5 paıyzǵa artqan. Bul kórsetkish boıynsha Shymkent qalasy 7 orynda. Jyl sońyna deıin ónerkásip óniminiń kólemi 710,0 mlrd teńgege jetedi dep boljanýda.

Al óńdeý ónerkásibinde jıhaz óndirý (157,5 %), hımııa ónerkásibi (157,5 %), mashına jasaý (150,9 %), daıyn metall buıymdaryn óndirý (128,4 %), negizgi farmasevtıkalyq ónimder (114,6 %), sýsyndardy óndirý (111,1 %), jeńil ónerkásip (102,1 %), munaı óńdeý ónimderin óndirý (103,0%) salalarynda ónim kólemi artqan. Jyl sońyna deıin óńdeý ónerkásibi óniminiń kólemi 628,0 mlrd teńgeni qurap, 2020 jylmen salystyrǵanda 102,0 paıyz bolady dep boljanýda.

Qala ákimi M. Áıtenov shahar ekonomıkasyndaǵy ımport ónimderin ózimizde shyǵarýdyń jobasyn daıyndap, ınvestorlar tartýdy qarastyrý qajet ekenin atap ótti. Bul oraıda Shymkent qalasynyń ózine tán damý baǵdaryn anyqtaý qajet. Qala ákimi endigi rette búkil eldiń damýyna ózindik yqpalyn tıgizetin óndiristerdi kúsheıtýdi tapsyrdy.

"Qamshy" silteıdi
Ilmek sózder: Shymkent

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir