• USD 415.12

  • EUR 443.06

  • RUB 7.41

  • CNY 62.21

26 Mamyr, 19:28:31
Almaty
+25°

Shymkent qalasynyń ákimi Murat Áıtenov «Ońtústik» telearnasynyń «Ákim saǵaty» baǵdarlamasynda qaladaǵy atqarylǵan jumystar jóninde baıandap, turǵyndarmen tikeleı baılanysqa shyqty. Onda, ótken jyly ashyqtyqty qamtamasyz etý, qoǵamdyq kólikterdiń qyzmetin jaqsartý, qyzmet sapasyn kóterý maqsatynda iske qosylǵan elektrondy tólem júıesine toqtaldy.

Qoǵamdyq kólikter «Tólem» elektrondy júıesine ótken jyldyń 15 qazanynan bastap kóshken-di. Búgingi kúnge deıin 370 786 tólem kartasy alynǵan bolsa, 85 paıyzdan astam tranzaksııa elektrondy kartamen jasaldy.

370 786 kartanyń 106 100 - oqýshylar kartasy, 30 686 - stýdenttik, 234 myńy standartty karta. Qazir kúnine ortasha eseppen «Tólem» júıesiniń negizinde avtobýs jolaýshylarynyń tranzaksııasy 280 myńǵa jetti.

«Tólem» front-ofısinde joǵalǵan kartany qaıta shyǵarýǵa ótinim bergende jańa kartany alǵanǵa deıin turǵyndarǵa qolaısyzdyq týdyrmaý úshin ýaqytsha anyqtama beriletin boldy. Osy anyqtama boıynsha oqýshy 35/50 teńge tarıfi boıynsha júre alady. Kartalar Almatyda jasalatyn bolǵandyqtan, 10-15 kún ishinde daıyn bolady. Front-ofıs Ál-Farabı №9 Jastar resýrstyq ortalyǵynda ornalasqan.

Sondaı-aq, shahar basshysy turǵyndarǵa sapaly ári turaqty qyzmet kórsetýdi júıelendirý maqsatynda avtobýstardy onlaın rejıminde kórýge arnalǵan «I-kolik» mobıldik qosymshasy paıdalanýǵa berilgenin jetkizdi. Qazirgi ýaqytta 82000 adam atalmysh baǵdarlamany qoldanýda. Baǵdarlama qala marshrýttarynyń gps trekerler arqyly ornalasqan jerin kórsetedi. Mobıldi qosymshany «app store» jáne «play market»-ten tegin júktep alýǵa bolady.

Tólem júıesi, qoǵamdyq kólik qyzmetinde, ár baǵyttyń jaǵdaıyn aıqyndaýǵa, tolymdylyǵyn bilýge septigin tıgizse, sýbsıdııalaý aımaǵyn naqtylaýda mańyzdy quralǵa aınaldy.

"Qamshy" silteıdi
Ilmek sózder: Shymkent

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir