• USD 468.56

  • EUR 497.56

  • RUB 7.3

  • CNY 67.18

28 Naýryz, 12:48:15
Almaty
+35°

Foto: Shymkent qalasy ákimdiginiń baspasóz qyzmeti

Ortalyq Azııa jáne Kavkaz elderiniń ǵylymı jáne bilim berý áleýetin arttyrýǵa arnalǵan III Nobel Fest forýmynyń ekinshi kúninde «Bolashaq qalalary: adamzat qaıda ómir súrmek?» seksııasynyń jumysyna Shymkent qalasynyń ákimi Murat Áıtenov spıker retinde qatysyp, qalalardyń bolashaǵy men damý tendensııasy jóninde pikirin bildirdi.

Qazaqstannyń Tuńǵysh Prezıdenti, Elbasy Nursultan Nazarbaev usynǵan G-Global ıdeıasy ǵalamdyq teńgerimdi saqtaýǵa qyzmet etedi. Dúnıejúzine tanylǵan aqparattyq-kommýnıkasııalyq alańnyń usynysymen Nobel festıvaliniń minberinen elimiz atynan sóz alý mártebesi Shymkent qalasyna berildi.

«Bolashaq búginnen bastalady» aıdarymen ótip jatqan forýmda Qazaqstan megapolısteriniń atynan Shymkent qalasyna sóz berý mártebesi úlken senim ekenin jetkizgen Murat Dúısenbekuly, HHI ǵasyr – ınnovasııalar men tehnologııalar dáýiri ekenin aıtty.
«Bolashaq qalalary shekten tys ortalyqtandyrýdan arylady. Basymdyq ekologııaǵa, jasyl ekonomıkaǵa, aqyldy tehnologııalarǵa jáne kreatıvti ındýstrııaǵa beriledi»,- dedi M.Áıtenov.

Qalalardyń bolashaqtaǵy damý tendesııasyn aıtqan qala basshysy, megapolısterde árbir aýdan derbes órkendep, teńgerimdi damý jolyna túsetindigin habarlady. Jasyl tehnologııalar bolashaq qalalarynyń negizgi damý baǵyty bolyp aıqyndalmaq. Ekologııaǵa zııan tıgizý úderisteri birtindep joıylyp, elektr qýatymen júretin kólikterge basymdyq beriledi. Kólik qozǵalysyna tyıym salynǵan aýmaqtar kólemi arta bermek.

Bolashaq qalalarynyń ekologııalyq taza, qolaıly, únemdi bolýyna ınnovasııalyq tehnologııalar yqpal etetin bolady. Joǵary tehnologııalar Big Data (aýqymdy derekter), jasandy ıntellekt qalalyq ortanyń sapasyn arttyrýǵa qyzmet etpek. Kreatıvti ındýstrııany endirýde bolashaq qalalarynyń turǵyndary jańa utymdy ıdeıalar usynyp, ómir súrý sapasyn kóterýge umtylatyn bolady.

«Shymkent qalasyn atalǵan baǵyttar boıynsha damytýdy iske asyryp kelemiz. Búginniń ózinde qala ınfraqurylymyn jetildirý, adam kapıtalyn damytý, ınvestısııalyq ahýaldy jaqsartý, qala qaýpsizdigin saqtaý boıynsha aýqymdy jumystar atqarylýda. Qalanyń barlyq salalarynda jańa tehnologııalar engizýdi qolǵa aldyq, ındýstrıaldy aımaqtardy qala syrtyna ornalastyrýdamyz, aýmaqtarǵa ınjenerlik jeliler júrgizip, jańa joldar salyp jatyrmyz. Shekten tys ortalyqtandyrýdan bas tartyp, ár aýdandy teńdeı damytýǵa basymdyq berdik», - dep sózin túıindegen Murat Dúısenbekuly, forým qatysýshalyryn Shymkent qalasyna meıman bolyp kelýge shaqyrdy. 

"Qamshy" silteıdi
Ilmek sózder: Shymkent

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir